Advertisements

KOMUNIKADO DI KUERPO POLISIAL KÒRSOU Resúmen di aktividatnan polisial durante despedida Hubenil i Tiner

KOMUNIKADO DI KUERPO POLISIAL KÒRSOU
074 / 2018
12 febrüari 2018
Resúmen di aktividatnan polisial durante despedida Hubenil i Tiner
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Resúmen di aktividatnan polisial durante despedida Hubenil i Tiner 2018.

Durante di e operashonnan aki Kuerpo Polisial Kòrsou, VKC(Vrijwilligers Korps Curacao i
Curmil(Curaçaosche Militie) a traha huntu pa loke ta òrden públiko, seguridat general i
seguridat di tráfiko.
E marchanan di despedida Hubenil i Tiner tabata programá pa sali respektivamente 16.00
or i 18.00 or. Hubenil a sali 16.15 or i Tiner 18.53 or.
Kontrol preventivo:
Segun ordenansa nashonal 2006 Ministerio Públiko por indiká un área na unda polis por
buska arma ilegal di forma dirigí. En konekshon ku esaki outoridatnan a hasi kòntròl
preventivo riba persona riba e ruta i den e área di aktividatnan di karnaval.
Outoridatnan a hasi kòntròl preventivo riba 122 persona (92 hòmber i 30 hende muhé)
den e área di karnaval ariba menshoná.

Detenshon:
Outoridatnan a hasi dies(10 ) detenshon.
 Polis a detené sinku(5) hòmber pa posishon di droga
 Polis a detené un(1) hòmber pa maltrato
 Polis a detené dos(2) hòmber pa motibu di no sigui òrdu di outoridat i ku no tabatin
un identifikashon bálido huntu ku nan
 Polis a detené un(1) hòmber ku polis tabata buska
 Polis a detené un(1) hòmber ku un arma(no arma di kandela)
E poyekto ‘aktua robes, sinti’é un bes’ ta kanando hopi bon i a duna su frutanan.

Vehíkulonan ku a falta ku regla:
A transportá seis(6) vehíkulo ku tabata mal pará òf ku tabata opstakulisá tráfiko na
diferente sitio riba e ruta. Esaki ta trese un situashon di peliger espesialmente ora e
instansianan ku tin ku duna asistensia urgente tin ku pasa bai. A tou e vehíkulonan aki ku
kran. Despues ku shofùr di e vehíkulonan aki a paga e kran partikular, nan por a bai ku nan
vehíkulo. Doño/shofùr di tur 6 vehíkulo a presentá pa tuma nan propiedat despues ku nan a
paga e kran partikular.

Otro Kaso:
 Un (1) persona a bira malu i personal di Krus Korá a atendé kuné
 Despues di numeroso atvertensia durante tur e marchanan, a saka un trùk ku ta
bende eis for di riba e ruta
Kòntròl di e Departamento di pèrmit di Kuerpo Polisial:
E Departamento di pèrmit di Kuerpo Polisial huntu ku MEO, GMN i Brantwer a tene kòntròl
na 64 establesimentu di ‘horeca’, 36 lugá kaminda e hendenan ta para bende kos i 7
persona ku ta kana bende kos riba kaminda públiko. Total a sera tres(3) establesimentu:
Dos(2) pa motibu ku nan no ta disponé di un pèrmit i unu(1) pa motibu di higiena.

Advertisements

Skibi bo komentario / Opinion

%d bloggers like this: