Advertisements

20 di febrüari próksimo FUNDASHON PRO SOUAX ta organisá: Charla grátis “Si abo a krea, bo por tin e derechi di propiedat intelektual”

20 di febrüari próksimo FUNDASHON PRO SOUAX ta organisá: Charla grátis “Si abo a krea, bo por tin e derechi di propiedat intelektual”

Fundashon Pro Souax i Sentro di bario Souax gustosamente ta invitá habitantenan di bario di Souax, Gato i bisindario i tambe otro interesadonan, na kontinuashon di e “Siklo di Charla riba Tópiko Hurídiko”. Tópiko pa e luna aki lo ta”SI ABO A KREA, BO POR TIN E DERECHI DI PROPIEDAT INTELEKTUAL”. E charla ta tuma lugá djamars 20 di febrüari próksimo i e oradó lo ta mr. Gedeona Maduro.
Propiedat intelektual ta tur kaminda rònt di nos. Si bo a krea un app òf un rèp; Si bo a traha un pelíkulá; Si bo a traha un logo pa distinguí bo produkto òf servisio for di esun di otro hende; Si bo a inventá algu. Tur ta kreashon ku bo por haña eksklusividat riba dje.
Bin tende pa bo haña sa kiko ta e kondishonnan pa bo haña eksklusividat riba bo kreashon.

Durante e charla ku lo ta di 7or pa mitar di 9 anochi na Sentro di bario Souax, mr. Maduro entre otro lo amplia riba kiko ta propiedat intelektual. Entre otro e lo splika: propiedat intelektual ta propiedat di ken; ki ora un persona ta haña propiedat intelektual; kiko bo por hasi ku propiedat intelektual i kiko bo tin ku hasi pa protehá bo propiedat intelektual.

Moderadó lo ta mr. Juny Sluis, presidente di Fundashon Pro Souax.
Entrada ta grátis i lo tin amplio oportunidat pa hasi pregunta.

                             Kontinuashon "Siklo di Charla riba tópiko hurídiko" 

Tópiko: “SI ABO A KREA, BO POR TIN E DERECHI DI PROPIEDAT INTELEKTUAL”
Oradó: mr. Gedeona Maduro
Moderadó: mr. Juny Sluis
Dia: djamars 20 di febrüari 2018
Ora: 7or pa mitar di 9 anochi na Sentro di bario Souax
Entrada: GRÁTIS i un i tur ta bon biní

Advertisements

Skibi bo komentario / Opinion

%d bloggers like this: