Advertisements

Pronóstiko di tempu pa Kòrsou i bisindario bálido te djamars merdia 12:00 o.l., 13 di febrüari 2018.

Pronóstiko

Pronóstiko di tempu pa Kòrsou i bisindario bálido te djamars merdia 12:00 o.l., 13 di febrüari 2018.
Kompilá: djaluna 12 di febrüari 2018, 11:00 o.l. (14:00 UTC).

KÓDIGO HEL: .PREKOUSHON PA LAMAN LOKALMENTE BRUTU.

Tempu: Un shelu por lo general parsialmente nublá ku chèns pa algun áwaseru pasahero. Pa mayan djamars, lo tin periodikamente basta nubia ku aun mas áwaseru riba diferente parti di e isla.

Temperatura máksimo lo alkansá 30 ºC i temperatura mínimo 24 ºC.
Solo ta sali 06:58 i ta baha 18:42 o.l.

Bientu: For di direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Debesenkuando te fuerte i duru den ráfaga; forsa 6 te 7 (40 te 61 km/h, 22 pa 33 nudo). Djamars, bientu lo kambia di direkshon i bira for di nortost.

Situashon general: Algun áwaseru lo move rápido awe riba parti di e isla. Ta antisipá periodonan mas largu ku nubia i áwaseru miéntras e siman ta progresá. Di otro un banda, e sistema di preshon haltu fuerte riba Atlántiko lo sigui generá okashonalmente bientu duru den nos área i e laman lo ta basta brutu.

Kondishon di laman: Moderá te basta brutu ku altura di ola entre 1.5 i 2.5 meter (4 pa 8 pia). E laman di mas haltu lo ta den zona habrí i na e kosta nort.

Fenómeno spesial: Ningun.

Pèrspektiva te djárason merdia: Shelu ta hopi nublá i tin un bon chèns pa awa sigui kai.

Meteorólogo: Luciano

E próksimo boletin di tempu lo wòrdu publiká djaluna 17:00 o.l. (21:00 UTC).

Advertisements
%d bloggers like this: