Advertisements

Brandweer Kòrsou a Huramentá 17 Personal Nobo

Brandweer Kòrsou a Huramentá 17 Personal Nobo

WILLEMSTAD – Ayera den oranan di anochi, durante un seremonia Kuerpo di Brandweer Kòrsou a tene su huramentashon i instalashon di diferente miembro den nan Kuerpo di Brandweer. Na 2016 Kuerpo di Brandweer Kòrsou a inisiá ku e proseso pa a reklutá miembronan nobo pa e Kuerpo despues ku a indiká ku tin skarsedat di personal komo pagadó di kandela. Huntu ku esaki, Brandweer Kòrsou tabata den e proseso tambe ku vários personal tabata yega e edat di penshun i no tabata tin remplaso pa nan. Despues di a risibí aprobashon di Gobièrnu, Brandweer Kòrsou a hasi e proseso pa rekluta bomberonan i a haña un total di 17 miembro nobo ku a drenta pa forma parti di e Kuerpo. E 17 pagadó di kandela nan aki a keda repartí na diferente kazèrne di Brandweer, pa asina yuda reforsá e kuerpo den e trabounan diario.

Ayera, e 17 miembronan aki a huramentá den kual nan a indiká di kier siguí ku e kompromiso pa siguí sirbi nan komunidat. E 17 miembronan ku a huramentá ta:

Alexander, Rachmir
Gijsbertha, Rowen
Giterson, Roshendy
Isenia, Railison
Josephina, Ryan
Laken, Isomar
Laken, Zjurdiëne
Valentina Laveist, Rimansley
Leonora, Rogemy
Lourens, Danny
Martina, Iver
Mogen, Shailon
Prosper, Carleson
Regina, Jonathan
Roberto, Ludson
Roosje, Urainy
Sophia, Raychendell

Despues di huramentashon, e Aspirant Brandwachtnan aki a risibí tambe nan Sertifikado di EHBO despues ku nan tur a finalisá esaki ku eksito. E hobennan aki ta enfrená un reto grandi pa awor inisiá ku e estudio pa bira un bombero. E estudio den su totalidat ta dura 3 aña.

Advertisements
error: Content is protected !!
%d bloggers like this: