Advertisements

Fundashon J.A.G. a duna splikashon i aklarashon pa ku Apertura di Karnaval 2018

Fundashon J.A.G. a duna splikashon i aklarashon pa ku Apertura di Karnaval 2018

Den luna di òktober Fundashon J.A.G. ku sr. Hubert “Juni” Aniseta na kabes a haña e mandato di Gobièrnu pa organisá Karnaval 2018.
I komo un parti di inovashon pa ku Karnaval nan a bin ku e tremendo idea pa organisá un Jumpin na Kleine Werf ku lo bai wòrdu kombertí den un Carnival Village pa e temporada di Karnaval 2018. Pa ku e evento aki Fundashon J.A.G. a aserka Archel Calister i si Action Team pa por organisá e evento aki pa e pueblo di Kòrsou.
Último dianan Fundashon J.A.G. a bin ta risibí vários reklamo tokante di e preis di entrada i tambe e echo ku ta pone un sekshon di Urban huntu ku e bandanan lokal pa aktua riba e dia aki. P’esei a disidí di yama un rueda di prensa pa por duna informashon na e pueblo kiko ta e intenshon pa ku e Apertura di Karnaval 2018.
Lo bai tin dos sekshon kaminda e promé lo bo haña un total di 10 banda lokal ku lo bai trese tumba nan di Karnaval pero tambe lo bai tin oportunidat pa kada banda trese nan Roadfire. I e otro sekshon pa e hóbennan lo bai tin Urban ku mas di 15 artista lokal i internashonal pa asina deleitá nos hóbennan ku tambe tin e oportunidat pa bin partisipá na e apertura. Pa konopá kabuya bieu na kabuya nobo.
No ta un sekreto ku na tur parti di mundu por ehèmpel Sint Maarten bo ta haña e kombinashon di músika den un Carnival Village durante di e periodo di karnaval.
E intenshon pa ku e Carnival Village aki tambe ta un manera pa fundraising pa por sigui yuda e gruponan di Tiner i Hubenil i tambe Fundashon Karnaval Banda Bou. Tur hende ta na altura ku e montante ku Gobièrnu ta duna no ta yega i mester organisá algu pa por yega na mas fondo. Pa e preis aki pueblo di Kòrsou lo haña 10 banda lokal i 15 artista di Urban. Nos no a bin pa kibra niun Jumpin di niun Grupo di Karnaval. Ta na lugá di un jumpup pa apertura a bini ku e inovashon pa hasi un jumpin. Lo bai tin despues di un ousensia hopi largu Calle 9 pòrnada pa pueblo di Kòrsou den koperashon ku CTB.
Kaminda ku fl.10,– lo bai na tur e gruponan pa kada karchi ku nan bende pa e evento aki. Den kuadro di esaki tambe nos lo organisá djabièrnè awor 15 desèmber un Gimmick pa ku e karchinan di entrada, un kantidat di 500 na balor di fl. 45,00, Op=Op si. Pasa for di 6’or di atardi te ku 9’or anochi na Zona Kultural (Teatro Luna Blou) pa asina bo serka konosí ku nos ofisina i tambe nos miembronan di Fundashon J.A.G. i buska bo karchi di entrada.
Ku bo karchi kumpra bo ta han un T-shirt pa asina por drenta na Carnival Village, ku un eskoho den 5 diferente kolo.
Lema pa Karnaval 2018 ta “Pensa Bèrdè, Marcha Bèrdè i Gosa Bèrdè”. Pa asina huntu ku Selikor i e grupo di sr. Rennox Calmez pa konsientisá nos pueblo pa tene nos medio ambiente limpi. I ban traha pa union, segun sra. Glenda Aniseta, miembro di Fundashon J.A.G..

Advertisements
%d bloggers like this: