Advertisements

FFK ku Workshop pa ekiponan di Liga MCB Djasabra, 9 di dezèmber último for di mainte te atardi na Hilton.

FFK ku Workshop pa ekiponan di Liga MCB Djasabra, 9 di dezèmber último for di mainte te atardi na Hilton.

Djasabra 9 di dezèmber último FFK a organisá un ‘workshop’ pa e ekipo nan di Liga MCB Promé ku Segundo Divishon. Esaki den kuadro di e restrukturashon di FFK i e implementashon di e ‘strategic plan’ ku e introdukshon di e ‘Club Licensing’ ku CONCACAF i FIFA ta eksihí di tur federashon afiliá na nan.
E ‘workshop’ aki a tuma lugá na Hilton for 9’or di mainta i a tèrminá den oranan di atardi i a konta ku partisipashon di kasi tur e dirihentenan di e ekiponan di Liga MCB Promé ku Segundo Divishon. Sra. Angenie Kanhai i Sr. Gregory Engelbrecht, ámbos ‘sport consultant’, tabata esnan enkargá ku e workshop aki, huntu ku miembronan di FFK.
E mainta a kuminsá ku un splikashon di e ‘strategic plan’ di FFK di kual e klupnan tambe ta forma parti na dje. Sra. Angenie tabata esun enkargá ku esaki huntu ku presidente di FFK. E klupnan por a haña un bista di tur e plannan, kambionan i ideanan nobo ku lo bai drenta na vigor durante e luna nan binidero. Mas despues Sr. George de Windt, esun enkargá ku e parti finansiero di FFK, a duna un presentashon riba e parti finansiero di e klupnan di Liga MCB. Sr. Gregory Engelbrecht a papia tokante e lisensia di e klupnan i Sr. Stanley Coffy, miembro di direktiva di FFK, a pasa riba e kambionan di e statutonan di FFK pa despues Vesta duna un presentashon di nan ‘stratigic plan’ na tur e otro klup nan ku por keda usa komo un ehèmpel di un strategic plan ku tambe klupnan afiliá na FFK mester tin den futuro. Despues di e presentashonnan aki, esnan presente a disfrutá di un ‘lunch’ durante pousa pa terminá e atardi ku un interkambio di e klupnan riba tur e tópikonan ku a bin dilanti riba e dia ei.
Pues e ‘workshop’ aki tabata unu basta interesante i ku hopi informashon balioso pa e klupnan aki hasi uso di dje. Tur esaki na bienestar i desaroyo di futbòl aki na Kòrsou.
13 dezèmber 2017

Advertisements
%d bloggers like this: