Advertisements

Grandioso Klousura di Liga Lito 2017 Djadumingu 10 di dezèmber 2017 na tereno di FFK

Grandioso Klousura di Liga Lito 2017 Djadumingu 10 di dezèmber 2017 na tereno di FFK

Despues ku 21 di mei último Liga Lito, e liga dediká na esnan mas chikí den e famia di futbòl a ranka sali, djadumingu último, 10 di dezèmber 2017, Liga Lito a yega na su gran final. Liga Lito, patrosiná pa MCB, ta e liga di futbòl pa nos muchanan di U-6 ku U-8 (edat bou di 6 i 8 aña) ku kada dos siman riba djadumingu di mainta pa mèrdia, ta ehersé nan deporte preferí na tereno di FFK.

E klupnan ku a partisipá na Liga Lito 2017 ta lo siguiente;

1. Atletiko Salinja
2. Quick’60
3. Jong Holland
4. United Soccer School
5. Excellence School
6. Victory Boys
7. Victory Princess
8. Fc Stallions
9. New Song
10. Vesta

FFK kier a yama danki na tur e timnan ku a partisipá na Liga Lito, e entrenadónan, mayornan, prensa, rèfrinan, komishon Lito, nos spònser MCB, Lito i tur ku a duna un aporte pa hasi Liga Lito 2017 unu eksitoso.
Djadumingu último tur hende ku tabata tei presente a disfrutá di un tremendo klousura di Liga Lito 2017 den prensensia di Papa Pasku ku a bin ku pakete pa tur nos muchanan.
Tambe tur nos hungadónan i e entrenadónan a haña un bunita medaya komo símbulo di nan partisipashon na Liga Lito 2017. E medayanan a keda otorgá na nos chikitin nan dor di Sra. Mariela Romero di MCB i Sr. Rignaal ‘Jean’ Francisca presidente di FFK.
Tur mucha a keda sumamente kontentu pero alabes un tiki tristu debí ku esei tabata e último fecha di Liga Lito pa e aña aki.
Nos ta spera ku Liga Lito 2018 lo ta mes òf aun mas eksitoso ku e Liga Lito 2017 i ta spera di por sigui konta ku un i tur ku a kontribuí na e éksito di Liga Lito 2017!

Un danki spesial na Maduro & Curiel’s Bank N.V., bo banko amigu, ku a kontribuí en grande un biaha mas ku Liga Lito!

11 dezèmber 2017

Advertisements
error: Content is protected !!
%d bloggers like this: