Advertisements

Orashon djadumingu 10 di desèmber 2017

Orashon djadumingu 10 di desèmber 2017

‘Kuminsamentu di e bon notisia tokante Hesu-Kristu, e Yu di Dios. Ta skibí den buki di profeta Isaías ku Dios ta bisa: Ata, Mi ta manda mi mensahero Bo dilanti pa e drecha kaminda pa Bo. Un hende ta grita den desierto: ‘Prepará kaminda pa Señor. Hasi kaminda korkobá règt pa E pasa.’ Asina Huan a kuminsá batisá hende den desierto i prediká ku nan mester kombertí i batisá pa Dios pordoná nan piká. For di henter region di Hudea i for di Herusalèm, tur hende tabata bini serka dje. Nan tabata konfesá nan piká i e tabata batisá nan den riu Yordan. Huan tabata bisti paña trahá di lana di kamel i e tabatin un faha di kueru mará na su sintura. E tabata kome dalakochi i miel di abeha di mondi. E tabata proklamá: ‘Despues di mi ta bini Esun ku ta muchu mas poderoso ku mi; mi no ta sirbi ni pa bùk kita su sandalia. Ami ta batisá boso ku awa ma É lo batisá boso ku Spiritu Santu.’ ‘

Marko 1:1-8

Advertisements
error: Content is protected !!
%d bloggers like this: