Advertisements

Djaluna awor 11 di desèmber MARSHE DI GRASIA na SENTRO DI BARIO SOUAX

Djaluna awor 11 di desèmber MARSHE DI GRASIA na SENTRO DI BARIO SOUAX

Riba inisiativa di algun siudadano, lo tuma lugá djaluna awor 11 di desèmber parti mainta, na Sentro di bario Souax e proyekto MARSHE DI GRASIA. E aktividat ta organisá pa algun siudadano ku den temporada di fin di aña aki kier kompartí ku habitantenan di Souax, Gato, Ser’i Kandela i bisindario.
MARSHE DI GRASIA ta un aktividat kaminda personanan interesá sin niun kosto por pasa i skohe artíkulonan di uzo personal i / òf di kas ku nan tin nesesidat di dje. E artíkulonan ku por skohe ta sea artíkulo nobo òf den bon kondishon. E úniko kondishon ku tin ta ku na momentu ku pasa skohe e artíkulonan lo mester bai ku esakinan mesora.
MARSHE DI GRASIA ta djaluna awor 11 di desèmber di 9or di mainta pa 12or di mèrdia na Sentro di bario Souax. Entrada ta grátis i un i tur ta bonbiní. Pasa wak kiko di bon MARSHE DI GRASIA tin pa bo famia.

Advertisements
error: Content is protected !!
%d bloggers like this: