Advertisements

Atenshon Kenneth alias KENENE Gijsbertha

Atenshon Kenneth alias KENENE Gijsbertha

Nos ta kere ku a bira tempu pa duna pueblo klaridad dikon ta keda tene man riba kabes di Paul de Geus. Kiko tin den UTS ku no por mira luz di dia?

E karta aki ta dirigi na bo persona pasombra nos tur sa ku komo hefe di raad di UTS pa hopi anja, bo sa hopi bon ki e situashon ta den UTS. I mas ahinda, pakiko niun hende no por drenta pa wak kiko historia, finansa i e rol di Paul de Geus de UTS.

Lamentabel ta ku a jega asina lew ku ba splika bo partnernan den koalishon aktual ku no por kita Paul de Geus sino abo lo no sostene e gabinete aktual, loke ta algu aun mas lamentabel. Pero ja ku bo persona sigur lo no ta transparente, nos, ku ta representa un grupo den UTS si ta bai duna klaridad via e karta aki.

Realidad ta ku pa hopi anja kaba sen ta drenta i sali for di UTS di un forma ku no por mira luz di dia. Por ehempel sen ku supestamente a bai Surnam a jega otro destinashon, riba kuenta di hendenan ku bo konose hopi bon. Bo sa esaki zuiver zuiver. Nos ta papia di sumanan di sen di pueblo ku ta jega montantenan ku pueblo no por imagina nan mes.

Pero esey no ta e uniko problema. E realidad ta ku via e netwerk di UTS, un grupito chikitu di poder por luister af tur kombersashon nan ku ta pasa via telefon i monitoriá tur mensage. I Paul de Geus i un grupo chikitu ta hasi esaki pa motibunan personal of riba instrukshon di gruponan di poder riba nos isla. Gruponan ku no tin nada di haber ku sektor judisial.

Pa resumi, tin dos problema ku no por mira luz di dia. E prome ta kon sen di pueblo ta kana pasa door di UTS i tambe kon Paul de Geus i un sirkulo di hende chikitu tin akseso na informashon i data personal di kada un di nos. Lamentabel ta ku tur e aktividadnan aki a pasa bou di bo supervishon. Esaki ta sigur dos di e motibunan prinsipal ku no por kita de Geus i no por laga niun hende independente drenta UTS. Pa kolmo a bende gobiernu un struktura di loke sa jama corpororate governance kaminda ni gobiernu no por drenta den UTS.

Kenene bo ta kana rond supuestamente ta hasi hopi kos pa muchanan i deporte. Pero realidad ta ku ba traishona nos pueblo pa hopi anja kaba.

Un berguensa total!

Boy Isidora

Advertisements
error: Content is protected !!
%d bloggers like this: