Advertisements

Un regalo; un sonrisa i un kurason kontentu! Renaissance Curaçao Resort ta presentá su promé ‘Magical Christmas Toy Drive’

Un regalo; un sonrisa i un kurason kontentu! Renaissance Curaçao Resort ta presentá su promé ‘Magical Christmas Toy Drive’

WILLEMSTAD – E temporada aki ta keda suprayá pa un sentimentu komunitario, na unda ku nos ta bini huntu pa kompartí momentunan bunita di fin di aña. E aña aki Renaissance Curaçao Resort ta djòin un tradishon anual di Wind Creek Hospitality, i esei ta e rekoudashon di regalo pa mucha. Ta aktivá e ‘drop off’ di regalo mesora i ta invitá klientenan, miembronan i tur persona ku e aña aki ke hasi un gesto bunita pa entregá e ko’i hunga na Carnaval Casino- te ku dia 17 di desèmber próksimo.

Un regalo pa Kolegio Sta. Famia
Renaissance Curaçao Resort ta invitá komunidat di Kòrsou pa biba e esensia di Pasku i kompartí. Akshonnan komunitario no ta nada nobo pa Renaissance Curaçao Resort, durante henter aña e empresa, mediante diferente organisashon ta hasi akshonnan na bienestar di komunidat. Di akuerdo ku ehekutivonan di Renaissance Curaçao Resort, e ‘Magical Christmas Toy Drive’ ta unu spesial i ta pesei ta invitá komunidat pa partisipá. Por hasi donashon efektivo tambe, aunke apresiá, e no ta rekerí. E ‘Magical Christmas Toy Drive’ lo ta un gesto komunitario na Kolegio Sta. Famia. Ta e idea pa trese un vibrashon navideño serka tur mucha ku ta bishitá e skol. E regalo lo ta pa muchanan entre 4 i 12 aña di edat.

Duna i Gana!
Komo gratitut Renaissance Curaçao Resort i tambe Carnaval Casino lo rifa un sena pa 2 persona, entre tur ku a hasi e donashon di un ko’i hunga. Tur miembro di Carnaval Casino ku hasi donashon di un ko’i hunga lo risibí $10 free play cash. Por entregá e ko’i hunga na player center di Carnaval Casino tur dia entre 11’or di mainta i 11’or di anochi. Risibí un formulario pa kada regalo, kompletá e informashon riba esaki i deposit’é den e tómbola na Carnaval Casino. Lo hasi e rifa di e sena pa 2 persona dia 18 di desèmber próksimo. Ta importante pa menshoná, ku e ko’i hunga mester ta nobo, pero no lorá den papel di regalo. Pa mas informashon por bishitá e página di facebook di Renaissance Curacao Resort òf esun di Carnaval Casino.

Advertisements
error: Content is protected !!
%d bloggers like this: