Advertisements

Stephen Walroud (PAR): e lider sindikal aki ta konfiabel? Errol Cova tin yen pèchi i ta midi ku diferente midí

Stephen Walroud (PAR): e lider sindikal aki ta konfiabel? Errol Cova tin yen pèchi i ta midi ku diferente midí

For di trayektoria di un hende su bida bo por destilá masha hopi kos. Den kaso di Errol Cova komo lider sindikal pero tambe komo polítiko, nos no por yega na otro konklushon ku e ta un lider sin prinsipio, e ta oportunista i e ta midi ku diferente midí. Un hende asina ta konfiabel?
Un ehèmpel di muchu pèchi i midi ku diferente midí ta ku sr. Cova ku pèchi di miembro di MDPT, kobrando for di 2013 un suma di 5 mil florin pa luna banda di e diferente penshunnan ku e tin kaba, ta keda ketu i sera su boka i laga presidente di MDPT gasta miónes tras di miónes di RDK sin pone pia bou i sin eksigí pa manda e presidente di MDPT kas. Awe, e mesun sr. Cova ku pèchi di sindikalista, ta eksigí pa kore ku direktor di UTS pa gastunan haltu di e kompania.
Otro ehèmpel ta ku Sr. Cova ku pèchi di sindikalista awe ta papia ku pueblo ta wòrdu masakrá dor di e subida di 13.5% di seguro di outo. Aki sr. Cova ta lubidá ku OB, ku tin pueblo choká te ku awe, a wòrdu introdusí dor di e mesun sr. Cova ku pèchi polítiko dia e tabata minister di ekonomia . Akaso sr. Cova ta kere ku pueblo a lubidá ku ta sr. Cova a kita ABB ku no tabata tin ‘schakel’ i introdusí OB ku tur su schakelnan? Ku e medida aki a pone preis di TUR pero TUR produkto i servisio subi i no solamente gastu di seguro di hende ku tin un outo?

Last but not least sr. Cova ku pèchi di sindikalista ta bisa ku e ta lucha pa subi minimumloon, pero ta keda sin splika ku subida di minimumloon ‘sin mas’ i di gòlpi lo hinka esnan ku ya ta bou di e mínimo di eksistensia (bestaansminimum) manera grandinan ku un entrada di AOV só, mamanan soltero ku un òf mas yu i kobradónan di ònderstant den mas pobresa. Esaki segun estudio hasí dor di Konseho Sosial Ekonómiko (SER) i otro instansianan di estado. E datonan aki sr. Cova konosé bon bon, pero tòg e ta persistí pa na un manera deskabeyá kampañá pa subi minimumloon ‘sin mas’ i di gòlpi i asina konsientemente manipulá su siguidónan ku ta kere ku nan ta lucha pa algu hustu pero den realidat ta hinka nan mes i henter Kòrsou den mas problema i pobresa.

Advertisements
error: Content is protected !!
%d bloggers like this: