KOMUNIKADO DI KUERPO POLISIAL KÒRSOU Ladronisia ku violensia ku un herido.

KOMUNIKADO DI KUERPO POLISIAL KÒRSOU
503 / 2017
7 desèmber 2017
Ladronisia ku violensia ku un herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 6 di desèmber 2017 alrededor di 21.06 or, Sentral di Polis a risibí notifikashon di
un kaso di ladronisia ku violensia ku a kaba di tuma lugá na un negoshi riba Cubaweg i tin un
persona heridá. For di un investigashon ku polis a realisá na e sitio a resultá ku tres suheto
maskulino a yega na e establesimentu den un Toyota Vitz kolo ros. Dos di e hòmbernan aki
ku kara tapá i ku arma di kandela a kore drenta den e negoshi menshoná. Bou di menasa di
arma di kandela nan a bula ofer di e tonbank. Nèt na e momento ei ku e víktima a sali for di
un kamber bini pafó. E sospechosonan a tira dirigí riba e víktima ku a keda alkansá pa un
bala bou di su barika. Despues di nan akto e sospechosonan a bandoná e sitio ku un
montante di sèn kèsh ku nan a kue for di e lachi di e kaha di sèn, den e outo ariba
menshoná, direkshon di Kanga/Dein.
Ambulans a presentá na e sitio i a transportá e víktima un hòmber di 50 aña di edat, pa
poliklínika di SEHOS pa tratamentu médiko.
Kontinuando ku e investigashon alrededor di 23.44 or, Polis a detené den área di Seru
Fortuna un di e sospechosonan ku ta kuadra ku e deskripshon, e hòmber J.G.P. di 27 aña di
edat nase na Kòrsou.
Atrako tim ta kontinuá ku e investigashon.
Polis ta supliká tur persona ku por tin kualke informashon relashoná ku e kaso aki, pa tuma
kontakto ku sentral di polis na e number 917 durante 24 ora òf e number anónimo 108.(bo
anonimidat ta garantisá).

Leave a Reply

%d bloggers like this: