KOMUNIKADO DI KUERPO POLISIAL KÒRSOU Dos detenshon pa ladronisia ku violensia

KOMUNIKADO DI KUERPO POLISIAL KÒRSOU
506 / 2017
7 desèmber 2017
Dos detenshon pa ladronisia ku violensia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 6 di desèmber 2017 alrededor di 21.06 or, Sentral di Polis a dirigí unidat Polisial
na un adrès den e bario di Buena Vista, pa un kaso di ladronisia ku violensia.
For di un investigashon ku e agentenan a realisá na e sitio, un dama a deklará na polis ku e
tabata sinta den balkon di su kas okupá ku su telefòn. Na un dado momento un hòmber
deskonosí pa su persona a atak’é di parti patras i ku violensia a ranka su telefòn bai kuné. E
sospechoso mester a bai den direkshon di un di e kayanan den Buena Vista.
Despues di un investigashon intenso e agentenan a logra di detené e sospechoso na su kas
huntu ku un otro sospechoso maskulino ku tabata huntu kuné na momento di e ladronisia.
Ta trata di e sospechosonan:
 R.A.K. di 17 aña di edat i
 D.S.H. di 17 aña di edat, ámbos nasé na Kòrsou.
Siguiendo ku e investigashon e sospechoso a mustra e agentenan na unda el a skonde e
telefòn, ku a keda konfiská pa mas investigashon.
Ámbos sospechoso a keda presentá dilanti di un fiskal ouksiliar ku a ordená nan
enkarselamentu pa mas investigashon.

Leave a Reply

%d bloggers like this: