KOMUNIKADO DI KUERPO POLISIAL KÒRSOU Dos detenshon i konfiská arma potente

KOMUNIKADO DI KUERPO POLISIAL KÒRSOU
504 / 2017
7 desèmber 2017
Dos detenshon i arma konfiská
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 7 di desèmber 2017, den oranan di mardugá, personal di Tim di Mantenshon di
Órden Públiko patruyando den Saliña na altura di un diskotèk a mira un Ford Ranger Rover
kolo pretu manehá pa un hòmber konosí pa polis. Na momento ku e hòmber aki a nota
presensia di polis el a hisa velosidat di e vehíkulo ku e tabata manehá i kore bai den
direkshon di un establesimentu ku ta bende ‘fast Food’ den Saliña. Mesora polis a bai su
tras i dun’e òrdu pa para e vehíkulo. E sospechoso no a duna oído na esaki i a sigui kore ku
velosidat haltu bolbe drenta Saliña direkshon di e diskotèk pa despues kue direkshon di lus
di tráfiko na altura di un establesimentu ku ta bende ‘Fast Food’ den direkshon di brùg
Juliana.
E shofùr a tira un opheto afó na altura di Konsulado Venezolano. Na subida di brùg e shofùr
a baha velosidat di e vehíkulo i kuminsá kore na banda drechi di kaya. Einan el a bolbe tira
un opheto largu afó ku a resultá di ta un silensiadó ‘geluiddemper’ pa despues di mas o
menos un 50 meter mas leu e tira un opheto pretu mas afó ku a resultá di ta un arma
potente outomátiko (uzi) marka Scorpion vz 61.
Alrededor di 04.05 or polis a detené tantu e shofùr komo e okupante den e vehíkulo
menshoná na altura di e lus di tráfiko di Seri Domi. Ta trata di e hòmbernan sospechoso:
 G. M. di 21 aña di edat, nasé na Kòrsou.
 R.B. di 18 aña di edat, nasé na Kòrsou.
Polis a konfiská tantu e arma komo e silensiadó ‘geluiddemper, pa mas investigashon.
A presentá e sospechosonan dilanti un Fiskal Ouksiliar ku a ordená nan enkarselamentu
pendiente di mas investigashon.
Athunto: potrèt.

Leave a Reply

%d bloggers like this: