KOMUNIKADO DI KUERPO POLISIAL KÒRSOU

KOMUNIKADO DI KUERPO POLISIAL KÒRSOU
505 / 2017
7 desèmber 2017
Un detenshon pa menasa
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 7 di desèmber 2017, alrededor di 15.40 or, Sentral di Polis a dirigí un patruya na un
kas den bario di Veeris pa un kaso di menasa.
For di un investigashon preliminar ku polis a realisá na e sitio a resultá ku un hende muhé
habitante di e kas, a deklará ku un hòmber ku ta su bisiña a bini dos bes na su kas i a
menasa nan ku morto. Na e promé biaha ku polis a bai na e adrès nan no a en kontra ku e
sospechoso. Djis un ratu despues e hòmber a bolbe na e kas. Na e okashon ei Sentral di
Polis a bolbe dirigí e agentenan na e sitio i nan a en kontra ku e sospechoso.
Na e sitio alrededor di 15.55 or, polis a detené e hòmber sospechoso G.G.M.C. di 21 aña di
edat, nasé na repúblika Dominicano.
Siguiendo ku e investigashon polis a tene un entrada hudisial na kas di e sospechoso den e
bario di Veeris.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon

Leave a Reply

%d bloggers like this: