Advertisements

Di dos dia di Bishita Dr Steven Martina na Hulanda

Di dos dia di Bishita Dr Steven Martina na Hulanda

Proyekto piloto pa identifika potensial pa mas eksportashon den sektor di teknologia di Informashon

Minister Martina a topa presidente di Stichting ONL Hans Biesheuvel i Direktor di Dutch Council for International Business Dr. Dewanand Mahadew i a papia tokante kolaborashon pa stimulá eksportashon for di Kòrsou komo portal pa empresanan chikí i mediano di Hulanda of otro paisnan.

Dutch Council for International Business ta fasilitá empresarionan chikí i mediano pa mehorá nan abilidatnan i ta kapasitá nan pa krea produkto i servisio pa merkado internashonal. Hulanda ta menshoná den top 10 di diferente benchmarks i ta konosí komo un di e paisnan mas inovativo i efisiente ku ta eksportá. E konosementu aki ta loke nos tin ku desaroyá i fasilita empresarionan di Kòrsou. Na kuminsamentu di 2018 lo inisia un proyekto piloto pa identifiká den e sektor di Teknologia di Informashon kua ta e potensial di eksportashon, kua ta e talentonan i konosementu ku mester konekta pa krea balor agregá i kua ta e merkadonan na unda por eksportá.

Esaki lo ta e promé sektor ku lo atendé i lo sigi traha riba otro sektornan.

Advertisements

Leave a Reply

%d bloggers like this: