Advertisements

Segun Stephen Walroud (PAR) Mafia no ke laga Kòrsou los

Segun Stephen Walroud (PAR) Mafia no ke laga Kòrsou los

E grupo ligá ku mafia Italiano ainda no ta klá ku Kòrsou. Awor despues di apénas un par di luna di trankilidat relativo ku a surgi despues di e último elekshon unda pueblo a papia palabra klá, e mesun grupo mafioso e biaha aki a pone nan peonnan na trabou pa buska forma di krea broyo i destabilisá pais dor di buska konfrontashon ku gabinete Rhuggenaath. Es mas. Si den e dianan ku ta sigui aki mester pega edifisionan na kandela atrobe òf provoká kualke konfrontashon sangriento, nan lo hasi esaki tambe. Tur esaki ku e mesun meta ku nos por a mira durante gran parti di 2017, esta pa yega na poder i pa medio di un konfrontashon ku Reino Hulandes deklará Kòrsou independiente.
Esnan na kabes di henter e operashon aki ta e mesun mafiosonan ku tin problema ku hustisia. Bo tin esnan mafioso ku hustisia a kita mas ku 70 mion di plaka ilegal for di nan i para nan negoshi di laba plaka na gran eskala riba nos isla òf bo tin esun ku hustisia a persiguí pa delitonan atministrativo unda ya den dos instansia sentensia a kai i mester bai prisòn despues di korte supremo. Banda di esnan mafioso bo tin esnan ku ta ligá na e grupo fuerte i outónomo. E grupo aki den nan afan pa mira Kòrsou independiente ta drumi ku diabel si mester.
Pues e gruponan aki huntu ku nan peonnan kumprá manera sierto lidernan sindikal i polítikonan hòrtadó di asiento ainda no ke laga Kòrsou los. Nan no ke laga Kòrsou trankil i na pas. Fuma di poder nan ta bolbe lanta pueblo kontra otro i ta bolbe pone nos yu di Kòrsou den ansha i insiguridat. Pa despues e mesun grupo aki, ora nan esfuersonan pa basha e gobièrnu Rhuggenaath abou frakasá, bin reklamá ku nos ekonomia no ta kana manera mester ta. Ta kuantu tempu mas makaku ta sigui hunga ku su yu?
Kòrsou no ta sirbí ku tantu broyo tras di otro asina. Henter 2017 no tabata sufisiente? Kòrsou mester di trankilidat i stabilidat pa gabinete Rhuggenaath por dediká tempu na buska solushon duradero pa e problemanan ku nos tur ta sinti.

Foto Google

Advertisements

One thought on “Segun Stephen Walroud (PAR) Mafia no ke laga Kòrsou los

  1. bon e sugeto aki no tin nada di hasi ??? eno ta mita ku su partido huntu ku man si ta un grupo ku si ta traha pa e kapitalista nan i nan kompinshi nan i ahinda e kompai aki tin agaia di papia i demostra ki kapasidat di inteligensia barata e tin . un berguensa ku e tipo nan aki ta wordu paga kumi sen di belasting

Comments are closed.

error: Content is protected !!
%d bloggers like this: