Advertisements

Lo presentá kolekshon di fin di aña na Renaissance Mall & Rif Fort: Renaissance Fashion Show ta tuma lugá djaweps awor

Lo presentá kolekshon di fin di aña na Renaissance Mall & Rif Fort: Renaissance Fashion Show ta tuma lugá djaweps awor

WILLEMSTAD – Djaweps awor ta e promé nochi di kompra! Manera ya por a tuma nota, Renaissance Mall & Rif Fort su dekorashon di fin di aña tambe tei i ta kompletá e ambiente festivo na Kòrsou. Anualmente Renaissance Mall & Rif Fort ta dekorá i asina ofresé e kliente pa hasi su kompra di fin di aña den un ambiente ameno. E djaweps aki establesimentunan den Renaissance Mall & Rif Fort lo presentá nan kolekshon pa fin di aña den e anual ‘Renaissance Fashion Show’.

E Fashion Show di Renaissance Mall & Rif Fort lo kuminsa 6’or di atardi na Rif Fort. Lo presentá paña i asesorionan di Totto, Little Switserland, Nautica, Aqua/ Capri Curacao, Mango, Urban Society i tambe Guess. Mesora ta duna inisio na e tradishonal nochinan di kompra na Renaissance Mall & Rif Fort. Pa djaweps awor lo tin presentashon di Touché kuminsando pa 8’or di anochi.

E nochinan di kompra ta sigui riba djaweps dianan 14, 21 i 28 di desèmber próksimo. Establesimentunan lo ta habrí te ku 9’or di anochi. Nochinan di kompra, ta evitá e ‘rush’ di fin di aña i ta ofresé un ambiente trankil i ameno. Establesimentunan ku markanan renombrá lo keda habrí pa duna tur hende oportunidat di kumpra nan regalo di fin di aña, un detaye spesial of djis kana disfrutá di e bunita dekorashon.

Advertisements
error: Content is protected !!
%d bloggers like this: