Advertisements

Banco di Caribe: Kòrda aktivá bo tarheta di débito promé ku bo biaha pa eksterior

Banco di Caribe: Kòrda aktivá bo tarheta di débito promé ku bo biaha pa eksterior

WILLEMSTAD- DEC 2017: Nos ta den temporada di fin di aña i Banco di Caribe ta konsiente ku esaki ta e temporada ku uso di tarhetanan di débito i krédito ta mas ku usual. Hopi ta esnan ku ta probechá e dianan festivo pa bai di biahe tambe. Pa e motibu aki Banco di Caribe ta rekòrda tur kliente ku ta bai di biahe pa aktivá nan tarheta di débito dor di ‘log on’ riba BdC Online. Mésora bo por regla e fecha ku mester aktivá bo tarheta di débito ora di bai den eksterior i e fecha ku mester desaktivá bo tarheta di débito ora ku bo yega Kòrsou bèk. Tambe, por ahustá bo límite total di dia pa lanta sèn na ATM i paga ku bo tarheta di débito den un negoshi.

Si bo no tin BdC Online ainda:
Na tur kliente ku ta bai di biahe i ku no tin BdC Online ainda, ta rekomendá pa bishitá un di e filialnan di Banco di Caribe mínimo dos dia promé ku sali pa eksterior. Ta importante pa indiká e fecha ku Banco di Caribe mester aktivá i desaktivá e tarheta pa uso den eksterior. Ta enfatisá ku si no hasi e pasonan pa aktivá e tarheta di débito esaki lo por trese algun inkumbiniensia inesesario pa e kliente. Ta motivá klientenan di Banco di Caribe pa registrá pa e servisio di BdC Online ku sigur lo fasilitá e proseso na un próksimo okashon.

MultiCard; un bon opshon!
Banco di Caribe ta kòrda su klientenan riba MultiCard, un tarheta prepago ku tambe ta ideal pa e temporada aki. Ademas ta un manera pa manda sèn mas barata pa bo sernan kerí ku ta biba den eksterior e fin di aña aki. Por depositá sèn riba dje i paga kuné na diferente establesimentu lokal òf durante di bo vakashon den eksterior. Pa mas informashon por bishitá, www.bancodicaribe.com òf yama 432-3200.

Advertisements
error: Content is protected !!
%d bloggers like this: