Advertisements

Firmamentu di Acuerdo di Intenshon ku desentonan pa Skaih Pre-Universitario

Firmamentu di Acuerdo di Intenshon ku desentonan pa Skaih Pre-Universitario

Firmamento di Akuerdo di Entendimiento ku MAESTRONAN Ku ta bai trata na SKAIH Pre-Universitario (HAVO/VWO)
Willemstad, 4 desèmber 2017,
Direktiva di Fundashon Skol Humanista na Papiamentu a firma un Akuerdo di Intenshon ku e
maestronan ku lo bai forma parti di e team di maestronan ku ta bai trata na Skaih PreUniversitario
(HAVO-VWO) riba un dia sumamente importante pa nos Enseñansa . E ta
tambe e dia riba kua un tim di persona progresivo i visionario enkabesá pa †Frank Martinus
Arion a disidí di lanta e Fundashon ku ta enkaminá e lucha pa skol na papiamentu
kuminsando ku YOGATINA, Kolegio Erasmo, SKAIH i ku awe a alkansá SKAIH PreUniversitario(HAVO/VWO).
†Tio Frank tabata pensa grandi i por a proyecta su pensamiento
riba futuro, hasta si e mes lo no teí e kosnan ku lo keda alkansá ku hopi esfuerso,
peseveransha, pasenchi i dedikashon.
Sra. Trudy Martinus a splika ku riba provém desèmber , trinti un aña pasá (31) a lanta
ofisialmente Skol Humanista na Papiamentu i a firmá e akta ofishal na notario Sperwer.
“Mi ta hopi kontentu ku ami i ku dos hende di nos famia sI por teí pa mira tur e hende
yònnan aki presente firma e Akuerdo di Intenshon pa huntu nan tambe sigui ku e lucha di
Tio FRANK, lástima ku e no tei pero ami tei, mi yu tambe tei, nos tur tei pa nos sigui ku e
lucha bunita di pone nos pueblo krese bira un pueblo riba su pia, un pueblo orguyoso di SU
IDIOMA, orguyoso di su mira riba mundu. Chikitu pero grandi di VISHON.
Mi ta hopi kontentu tame di mira ku entre esanan ku a firma pa e Trabou di dosente na Skaih
Pre-Universitario ku lo kuminsá ofisialmente den e aña eskolar 2018-2019 , ku tin un par di
hende awó dosente ku a kuminsá ku nos foi YOGATINA i ku awe ta aki pa sigui ku nos
lucha bunita. Mi no k’e ni bisa lucha mas, mirando te na unda nos a yega, sino nos
PROMESA pa FUTURO.
NOS ta bai kopla ku un idioma grandi (inglés), realmente grandi, no ku idioma ulandés ta bai
foi bista, pero nos ta bai den mundu ku nos mes vishon, maske ta via reino ulandés pero
nos tin nos mes lugá, nos mes mira riba mundu i nos mes empeño pa duna mundu loka un
pueblo chikitu por logra. Lástima ku Tio Frank no tei mas pero masha danki na tur hende ku
a yuda nos yega te kaminda nos ta awe. Ban pa Skaih-Pre-Universitario (HAVO/VWO) BiLingue,
Papiamentu i Inglés. Aña eskolar benidero 2018-2019 “.
Palabranan di un èks-studiante I awe dosente : Aisha Leer ,
“Ami ta un èks studiante di SKAIH ku a kuminsá for di YOGATINA asina ei mi a haña mi
formashon aki nan i pa ami ta un plaser di bini bèk pa kontribuí na e proyekto aki. Manera
bosnan sa un proyekto k’a kuminsá ku tio Frank i maske e mes no tei mas meimei di nos
adore aki awor aki nos ta sigui ku su “LEGACY” nos ta sigui ku loke e’la kuminsá ku n’e i si
ami por pone mi granito na e totalidad aki, mi ta haña hopi “great”. Mi ta bai duna lès den e
materia di Siensianan Soshal na Skaih Pre-Universitario (HAVO/VWO).Mi ta un Antropólogo
Kultural (gradua na Universidat di Leiden, Ulanda) i pa ami mi pashon ta Siensia Soshal i
sea sigur ku lo mi hasi’é ku hopi amor I hopi smak .”
Interés i entusiasmo pa Skaih Pre-Universitario
Tin un interés i entusiasmo kresiendo bou di hóbennan i nan mayornan pa ingresá den e
promé aña di e promé skol pa enseñansa sekundario general bi-lingue (papiamentu-inglés) i
promé Pre- Universitario. Varios ta e mayornan entusiasmá ku e idea, i ku ta aserkando
direktiva di FSHP pa Informashon i tin ku for di amor k’é sigurá un lugá pa nan yu den e
komienso históriko aki.
Direktiva di FSHP ta sigurá tur interesado pa keda pendiente den luna di yanuari ya ku lo ta
bai tin un dia di Informashon Kaminda lo duna tur Informashon tokante dej skol Nobo aki! E
fecha lo keda anunsiá despues . Tambe lo ta bai tin un “dia habriæ na Skaih PreUniversitario
pa será konosí ku e maestronan i eksperensia kon e funkshonamentu na
Skaih Pre-Universitario lo ta bai ta. Pa mas Informashon bo por semper manda nos un mail
na skolhumanista@outlook.com

Advertisements
error: Content is protected !!
%d bloggers like this: