Advertisements

Sunrise Airways for di Haiti a inougurá buelo pa Kòrsou

Sunrise Airways for di Haiti a inougurá buelo pa Kòrsou

WILLEMSTAD- 28 di novèmber 2017 – Durante un enkuentro festivo na aeropuerto di Kòrsou a selebrá yegada di e promé buelo di Sunrise Airways nònstòp for di Haiti pa Kòrsou. Kuminsando 28 di novèmber 2017, Sunrise Airways ta bula 2 biaha pa siman riba djadumingu i djaweps entre Haiti i Kòrsou. Na yegada di e promé buelo a hiba palabra Minister di Desaroyo Ekonómiko, Dr. Steven Martina, Presidente di Sunrise Airways, sr. Phillippe Bayard, CEO di Curaçao Airport Partners, sr. Ralph Blanchard i CEO di CHATA, sr. Miles Mercera. Minister Martina a ekspresá su satisfakshon pa ku e promé buelo di Sunrise Airways pa Kòrsou.

Riba e buelo inougural e crew di Sunrise Airways a keda kompañá pa 3 mayorista ku a bini Kòrsou pa asina por traha riba algun pakete atraktivo pa promoshoná e buelo i e destinashon Kòrsou. Ademas, 6 prensa di Haiti tambe a bini riba e buelo pa asina por kubri e buelo inougural pa Kòrsou. E buelo lo sali for di Haiti rumbo pa Kòrsou riba djadumingu i djaweps pa 9or di mainta. E buelo di regreso saliendo for di Kòrsou pa Haiti lo ta 2:30 mèrdia. E buelo lo ser efektuá for di Port-au-Prince, Haiti pa Kòrsou ku un Airbus 320 ku un kapasidat di 150 stul. For di Haiti por hasi konekshon tambe ku e servisio ku Sunrise Airways ta brinda pa i for di Cuba, Repúblika Dominikana i Orlando.

Ministerio di Desaroyo Ekonómiko, CTB, CAP i CHATA ta deseá Sunrise Airways tur kos bon ku e buelonan pa Kòrsou.
=======================

Inaugural Flight to Curaçao by
Haitian Sunrise Airways

WILLEMSTAD- November 28, 2017 – Sunrise Airways’s non-stop inaugural flight from Haiti to Curaçao was celebrated at the Curaçao Airport with an event that included speeches by the Minister of Economic Development Dr. Steven Martina, Sunrise Airways President Mr. Phillippe Bayard, CEO of the Curaçao Airport Partners (CAP), Mr. Ralph Blanchard and CEO of the Curaçao Hospitality & Tourism Association (CHATA), Mr. Miles Mercera. Minister Martina expressed his satisfaction with this first flight by Sunrise Airways to Curaçao. Starting November 28, 2017, the airline will be flying between Haiti and Curaçao twice a week, on Sundays and Thursdays.

On the inaugural flight, the Sunrise Airways crew was accompanied by three wholesalers travelling to Curaçao to work out attractive packages that will be promoting the flight, as well as Curaçao as a destination. Also on-board were six members of the Haitian press, covering the inaugural flight. Regular flights will be leaving Haiti on Sundays and Thursdays, 9 a.m., with return flights leaving Curaçao at 2:30 p.m. Sunrise Airways will use an Airbus 320 with 150 seating capacity. From Haiti, passengers will also be able to make further use of Sunrise Airways’s services and connect to and from Cuba, Dominican Republic and Orlando.

The Ministry of Economic Development, the Curaçao Tourist Board, Curaçao Airport Partners and CHATA’s best wishes go to Sunrise Airways for its flights to the island of Curaçao.

Advertisements
error: Content is protected !!
%d bloggers like this: