Advertisements

Rapòrt “Refeneria di Kòrsou technical audit report” pa Parlamento di Kòrsou.

Na: Minister Presidente i Asuntunan General
Sr. Eugene Ruggenaath
Presente

Kòrsou, 28 di Novèmber 2017.

Topiko: Rapòrt Tekniko di instalshonnan di Refineria Isla

Distinguido Mininster Rhuggenaath,

Pa medio di e karta aki mi ta aserka Minister Rhuggenaath pa por manda e rappòrt di “Refeneria di Kòrsou technical audit report”, ku lo mester ta fechá dia 15 di mei 2017, mas pronto ku ta posibel pa Parlamento.
Den reunion publiko di Parlamento dia 27 di novèmber 2017 frakshon di MAN a kompronde ku tin un rapòrt ku lo mester duna di konosé ku e plantanan i ekiponan teknikamente no ta konfiabel i ku esaki lo por kausa peliger pa e trahadonan.

Pa frakshon di MAN manera nos a bin ya ta enfatisá ku ta sumamente importante pa mantené kuponan di trabou den e trayekto di yega na un refeneria nobo pa 2019. Pero henter e ehersisio aki pa yega na un refinería modernisá òf nobo no por tuma lugá sin pone atenshon riba e seguridat laboral di tata i mama nan di famia ku laborá diaramente riba e plantanan di nos Refeneria.
Pesei pa Frakshon di MAN ta sumamente importante pa por atende e situashon aki di un manera responsabel, diligente i pa kuida trahadonan ku ta laborá riba nos refeneria. Ta na su lugá na mi humilde opinion pa e rapòrt aki bini Parlamento segun e prosedura korekto i segun reglanab di bon gobernashon.
Atentamente,

Giselle Mc William
Parlamentario pa Frakshon MAN

klik aki:
Scan Nov 28, 2017 at 4_02 PM

Advertisements
error: Content is protected !!
%d bloggers like this: