Advertisements

Minister M. Alcalá-Wallé ta duna liña di maneho na Biblioteka Nashonal Kòrsou

Minister M. Alcalá-Wallé ta duna liña di maneho na Biblioteka Nashonal Kòrsou

Willemstad- Resientemente Minister di Enseñansa, Siensia, Kultura i Deporte (ESKD), sra. M. Alcalá-Wallé a sinta na mesa ku direktiva nobo di Biblioteka Nashonal Kòrsou (BNK).
Durante di e enkuentro aki Minister i su delegashon sera konosí ku e personal di BNK i a duna su liña di maneho pa e próksimo añanan.

Minister a enfatisá riba dos aspekto importante.
Na prome lugá BNK mester ta más ku un sentro di buki òf rekreashon. Minister su vishon ta pa konektá BNK ku skolnan, pa realisá proyektonan i programanan den kuadro di enseñansa i edukashon huntu. Kolaborashon entre e dos partidonan nan aki mester para sentral.

Tambe Minister a duna di konosé ku e biblioteka tradishonal, mester kombertí den un biblioteka modèrno pa medio di e.o: digitalisashon. Den kuadro di esaki ta importante pa kumpli ku e Métanan di Desaroyo Sóstenibel di UNESCO riba area di Enseñansa (SDG 4) pa asina brinda kalidat di enseñansa haltu i duradero na nos komunidat.

Riba potrèt por mira: Sekretario General interino di Ministerio ESKD; sra. Sahayra Nisbet, Presidente nobo di BNK; sr. Kamir Lopez, Minister M. Alcalá-Wallé, Sekretario di BNK; sr. Kenrick Martis, Direktor di Uitvoeringsorganisatie Cultuur & Sport; sra. Lizette Sambo-Velder.
Tesorero di BNK Sr. Mylady Carti ta aktualmente den eksterior.

Advertisements
error: Content is protected !!
%d bloggers like this: