Advertisements

Dia Internashonal kontra HIV/AIDS

Dia Internashonal kontra HIV/AIDS

Dia 1 di desèmber 2017 Kòrsou kompleto ta pone atenshon riba e dia Internashonal kontra di HIV/AIDS. Pa siman na Kòrsou, tin 3 pa 4 kaso nobo di HIV/AIDS bou di hóben entre e edat di 14 pa 24 aña.

Pa frakshon di PAR e sifranan aki ta inakseptabel. Fundashon Famia Planea i otro organisashonnan ta hasi un trabou inmenso pa konsientisashon di e malesa di AIDS i apesar di esaki ta bin kasonan nobo di e malesa aki. Komo pais nos mester bai traha mas riba konsientisashon i edukashon pa ku e malesa króniko aki. Ta netamente e grupo di hóben i hóben adulto ta esunnan ku ta keda afektá ku e malesa aki. P’esei edukashon seksual na skolnan ta sumamente importante.

Frakshon di PAR den Parlamento lo adoptá for di awe, 1 di desèmber 2017 e tema di konsientisashon di HIV/AIDS den Parlamento i ta komprometé pa keda konsientisá riba e importansia di prevenshon i kuido.

Ban hasi huntu tur loke ta na nos alkanse pa prevení kasonan nobo di e malesa aki. I awe nos ta deseá tur persona ku tin e malesa di HIV/AIDS hopi forsa i salu. Nos lo tene kada un di boso den nos orashon.

Ana-Maria Pauletta
Member of the Parliament of Curaçao

Advertisements
error: Content is protected !!
%d bloggers like this: