Advertisements

Bishita di Sanikolas i regalo pa tur mucha: Yuda rekoudá fondo pa Special Olympics Curaçao henter siman na tur filial di Digicel

Bishita di Sanikolas i regalo pa tur mucha: Yuda rekoudá fondo pa Special Olympics Curaçao henter siman na tur filial di Digicel

WILLEMSTAD: Komo parti di nan kampaña di fin di aña, Digicel ta yudando Special Olympics Curaçao rekoudá fondo. Digicel a bin ta aportá grandemente na Special Olympics, no únikamente na Kòrsou sino den tur su merkadonan. Ta invitá klientenan pa e siman aki kontribuí ku e muchanan. Ku kada transakshon na un di e filialnan di Digicel, e kompania ta kontribuí ku 5 florin na Special Olympics Curaçao. Por hasi esaki for di djarason dia 29 di novèmber te ku djamars dia 5 di desèmber próksimo na Digicel Megastore, Brionplein i Sambil.

Kada transakshon, un donashon!
Ta importante pa tene na kuenta ku únikamente transakshonnan ku wòrdu hasí den un filial di Digicel lo konta pa e rekoudashon di fondo. Ora e kliente kumpra un SIM nobo, òf un telefon nobo, rekargá su kuenta, paga su faktura òf atkerí, renobá of upgrade su plan postpago- tur lo kondusí na un donashon di 5 florin pa Special Olympics Curaçao.

Un bunita laso di koperashon:
Digicel Kòrsou su patrosinio na e organisashon ta bai kompañá ku un laso di koperashon ku ta keda sostené den transkurso di henter aña; asina por menshoná ku e muchanan di Special Olympics ta risibí aporte spesial pa partisipá na entre otro kampeonatonan internashonal, aktividatnan di formashon personal i sosial, pero tambe por konta ku un sosten inkondishonal di maneho di e kompania.

Buska bo pintura di Sanikolas:
Riba e mesun djaweps 30 di novèmber Sanikolas i su Pietnan lo bishitá Digicel. Lo tin regalo pa tur mucha ku por mustra un pintura di Sanikolas kompletamente pintá. Por buska e pintura di partisipashon na Digicel Megastore, Brionplein i Sambil. *Tur mucha te ku 10 aña por partisipá. E ‘Digi-Piet’nan i Sanikolas lo ta na Digicel Brionplein, riba djaweps for di 4’or di atardi pa 5:30 di atardi i despues na Digicel Sambil for di 6’or di atardi pa 7:30 di anochi. Por tuma regalo únikamente ora ku Sanikolas i e ‘Digi-Piet’nan ta di bishita na Digicel. *Tuma nota ku e pintura mester ta kompletamente di klùr. Pa mas informashon por bishitá e página di Facebook di Digicel www.facebook.com/DigicelCuracao Si bo a kombiná data i yamada uso di Facebook ta grátis; chèk bo My Digicel App!

Advertisements
error: Content is protected !!
%d bloggers like this: