Advertisements

Awe ofisialmente habrí Gran apertura di OP = OP Voordeelshop

Awe ofisialmente habrí Gran apertura di OP = OP Voordeelshop

WILLEMSTAD: Por a sinti e entusiasmo ya for di siman pasá na momentu ku a anunsiá ku OP=OP Voordeelshop lo habri su portanan riba Caracasbaaiweg. Ayera, djaweps anochi un grupo di invitado selektá i miembronan di prensa a keda invitá na e gran apertura di OP=OP Voordeelshop. Sr. Lennert van der Poel, managing director di OP=OP a habri e parti ofisial gradisiendo prensa pa nan aporte balioso den antisipashon di e promé filial di OP=OP na Kòrsou. Tambe a gradisí tur esnan ku simannan largu a traha inkansablemente pa awe habri e portanan di OP=OP ofisialmente. E establesimentu lo ofresé produktonan te ku 50% mas barata ku na botika. Pa motibu di su konsepto i e volúmen haltu di produkto ku e ta ofresé, OP = OP lo por keda garantisá e preisnan di mas abou!

Minister di Desaroyo Ekonómiko, dr. Steven Martina a kòrtá sinta p’asina realisá apertura di OP=OP Voordeelshop. Entre aplouso i goso a habri e portanan di e establesimentu pa promé bes di manera ku invitadonan a risibí un promé impreshon. Awe, djabièrnè e promé 100 klientenan ta risibí un regalo ku nan kompra. OP=OP lo ofresé artíkulonan di uso personal, detergente i produktonan di limpiesa di markanan A i tambe internashonal. Nan tin un surtido amplio di shampu, conditioner, deodorante i habon di bon kalidat. OP=OP ta ofresé produktonan pa tantu dama i kabayero, mucha i grandinan. Mas bo kumpra, mas deskuento lo bo haña!. OP=OP ta habrí di djaluna pa djasabra for di 9’or di mainta pa 8’or di anochi na Caracasbaaiweg 212.

###

Tokante OP= OP
E promé establesimentu di OP=OP a keda habrí na 1997 na Klazienaveen. E kadena di establesimentu ta dirigí su mes riba benta di artíkulonan di uso personal, produktonan di limpiesa i detergente di markanan A. Primeramente a kuminsá ku 3 lokalidat, i awendia tin 140 repartí den henter Hulanda i ta empleá 900 persona.

Advertisements
error: Content is protected !!
%d bloggers like this: