Inspekshon ta bezig ta kontrubi na kalidat di kuido ku “aanwijzing” nan pa ku SEHOS i Advent Ziekenhuis?

Inspekshon ta bezig ta kontrubi na kalidat di kuido ku “aanwijzing” nan pa ku SEHOS i Advent Ziekenhuis?

Tin un situashon tenso den nos sektor di salubridat último simannan aki,ku ta di lamentá.
Kuminsamentu di siman pasa SEHOS a haña un di “aanwijzing” nan pa motibu ku nan a tarda di duna inspekshon e kontrakt di trabou ku dr.M.Berry i SEHOS (dr.Berry tabata den eksterior) , despues a sigui ku dos aanwijzing pa Advent Ziekenhuis pa motibu di un grupo di parteranan i dr P.Fa Si Oen.
Un situashon ku a trese kuné ku ta pashèntnan a i ta sufri aktualmente pa motibu di e “aanwijzing” nan aki . E manera kon a tende e kasonan aki ta mustra ku ta manera un yagmentu tin ,areu ku un manera no korekto i inhustu ku ta trata ku gerensia di SEHOS i Advent Ziekenhuis. Siman pasa komo Frakshon di MAN nos a hasi un bishita na SEHOS i ayera mainta mi a bai bishita Advent Ziekenhuis, pa por a skucha di gerensianan kon henter e trayektoria di “aanwijzing” nan aki a tuma lugá i situashon di kuido general.
Lamentablemente mi mester a konkluí ku esaki no a kana korekto i unda pashèntnan a wòrdu perhudiká. Tantu Gerensia di SEHOS komo Advent Ziekenhuis ta di akuerdo ku inspektor tin komo tarea di supervisá i yuda duna “richtlijnen” kon ta yega na un mihó kuido,pero lamentablemente e parti aki den mi humilde opinion no ta reflehá ora mi tuma nota kon e “aanwijzing” nan a kana.E situashon aki ta krea un impreshon ku ta manera un guera personal tin ,ku stroba funshonamentu di SEHOS komo Advent Ziekenhuis.SEHOS den fin di siman a duna di konosé ku e aanwijzing aki di dr.Berry a kita for di mesa.

Advent Ziekenhuis no a keda ku ningun otro opshon ku hiba Inspektor General sr.Huurman i inspekshon korte. Algu realmente di lamentá, unda riba e isla chikí aki ku listanan largu di espera pa entre otro operashon ta wòrdu afektá i muhénan na punto di duna lus mester ta den un situashon di tenshon. Nos mester hinka energia den sèn pa bringa otro den lugá di yuda otro pa yega na un mihó nivel di kuido.
Segun e gerensia di Advent Ziekenhuis nan kana e kaminda korekto pa loke ta trata e situashon pa ku dr.Fa Si Oen i parteranan nan ta kombensí di ku e trata ku nan a haña no tabata hustu.

Na kuminsamentu di e aña aki inspektor G. Perreira a sali den medionan di komunikashon i duna di konosé ku dr.Fa Si Oen no tin e diploma komo médiko siruhano, esaki no solamente ta tacha e persona su reputashon komo siruhano rekonosé , pero tambe tur e konfiansa “pashentzekerheid” di su pashèntnan. Esaki ta lokual ta e meta di nos inspekshon? Dikon ora dr.Fa Si Oen meskos ku hopi ku no tin un registrashon di BIG a demostrá ku si kompletamente kalifiká komo médiko siruhano ponensia aki tabata inkorekto , inspektor no a sali koregí esaki públikamente i aportá na garantisá nivel di kuido?Kiko inspekshon ta aportando realmente na nivel di salubridat?

Giselle Mc William
Parlamentario pa Partido MAN

Leave a Reply

%d bloggers like this: