Orashon djamars 14 di novèmber 2017

Orashon djamars 14 di novèmber 2017

‘Mi ke alabá SEÑOR tur tempu, su alabansa lo no kita fo’i mi boka. Mi alma ta gloria den SEÑOR, laga humildenan bin tende i gosa. Kanta grandesa di SEÑOR huntu ku mi, ban alabá su nòmber tur huntu! M’a akudí na SEÑOR: El a skucha mi, El a libra mi di tur mi temornan. Esnan ku fiha riba djE lo bria i nan kara lo no keda na bèrgwensa. Mira, tabatin un hende pober, el a grita i SEÑOR a skuch’é. El a libr’é for di tur su problemanan. SEÑOR su angel ta tene kampamentu rònt di nan ku sirbi Dios, pa protegé nan. Purba i mira ki bon SEÑOR ta, felis t’esun ku ta skonde serka djE. Teme SEÑOR, boso, hende konsagrá n’E, pasobra esnan ku respet’É nan no tin falta di nada. Leonnan yòn ta pasa hamber i trafat, ma esnan ku ta buska SEÑOR no ta falta ningun bendishon. Bini, mi yunan, skucha mi: ami ta bai siña boso kon boso mester teme SEÑOR. Tin hende ku ke biba hopi tempu, ku ke pasa nan dianan den bon? Anto warda bo lenga di maldat i bo lepnan di papia mentira. Hui kos malu, hasi bon, buska pas, trata di gan’é. Bista di SEÑOR ta riba hustunan, su orea ta atento pa nan gritu. SEÑOR ta mira malechornan ku mal wowo, pa E kita nan rekuerdo fo’i mundu. Nan ta grita i SEÑOR ta kontestá nan i ta libra nan di tur nan problemanan. SEÑOR ta serka esnan ku ta kibrá, E ta salba hende abatí. Un hende hustu ta haña hopi sla, ma SEÑOR ta salb’é di tur esei. E ta kuida su wesunan tur, pa ningun di nan no kibra. Maldat ta trese morto pa malbadonan, ken ku odia hende hustu lo pasa su kastigu. SEÑOR ta salba bida di esnan ku ta sirbiÉ, ken ku skonde serka djE lo no haña kastigu.’

Salmo 34:1-22

Leave a Reply

%d bloggers like this: