KOMUNIKADO DI KUERPO POLISIAL KÒRSOU Akshon multidisiplinario

KOMUNIKADO DI KUERPO POLISIAL KÒRSOU
478 / 2017
14 novèmber 2017
Akshon multidisiplinario
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 14 novèmber 2017, den oranan di mainta un tim multidisiplinario a hasi
investigashon na dos(2) adrès den área di Rooi Santu. E tim tabata konsistí di personal di
‘Domeinbeheer’, B.A.B., R.O.P., M.E.O., ‘Milieudienst en Inspectie Volksgezondheid i Kuerpo
Polisial. Loke e tim a konstatá riba e promé adres ta:
 Uso di tereno sin pèrmit;
 Garashi pa drecha vehíkulo;
 Benta di piesa di vehíkulo ilegal;
 Konstrukshon sin pèrmit;
 Depositá sushi ilegal;
 Usa tereno pa santana di outo.
Durante di e akshon polis a detené un trahadó ku no tabatin e dokumentunan nesesario pa
por permanesé riba nos isla.
Na e di dos(2) adrès na Rooi Santu a konstatá ku tin:
 Garashi pa drecha vehíkulo;
 Garashi pa spùit vehíkulo;
 Depositá sushi ilegal;
 Usa tereno pa santana di outo;
 Konstrukshon sin pèrmit;
 Benta di piesa di outo probablemente hòrtá.
Na e sitio a detené e hòmbernan F.R.N. di 52 aña di edat, R.N. di 21 aña di edat, ámbos
nasé na Kòrsou, komo sospechoso di benta di piesa di outo hòrtá.
A presentá e sospechosonan dilanti un Fiskal Ouksiliar.





Leave a Reply

%d bloggers like this: