Preguntanan di Frakshon di MFK awe na Promé Minister Rhuggenaath

Kòrsou, 13 di Novèmber 2017,

Preguntanan pa Promé Minister Rhuggenaath

1. Promé Minister ta na altura ku den medionan internashonal i Hulandes a aparesé ku Shell a duna mas di 1.2 bion dòler na soborno na funshonarionan di Gobièrnu di Nigeria pa haña konseshonnan petrolero? Si e kontesta ta si, ki paso Gobièrnu a tuma i ta tuma pa evitá ku kompanianan ku e tipo di influensia aki ta drenta Kòrsou? Mirando ku na Hulanda OM lo no hasi nada kontra di Shell i aki tambe OM lo no hasi nada kontra di Shell. Hasta den formashon di un Gobièrnu nobo na Hulanda Shell ta disidí.

2. Ta bèrdat ku a paga E&Y, 75 mil dòler (delegá na kantor T&T) pa traha un “Due Dillengence” (DD) ku no ta kla ainda pero ku si ta riba kaya? Kiko ta e relashon entre Sr. Bryan Irausquin, “senior partner” di E&Y i Promé Minister?

3. Promé Minister por informá Parlamento si a duna GZE un kopia di e rapòrt preliminar di DD pa nan reakshoná? Si ta no ki dia lo hasi esaki i si ta si ki dia a hasi esei?

4. Promé Minister por splika nos si e eks presidente di MDPT tabata reportá progreso di e DD di GZE na Gobièrnunan? Previo na firma MOU. Promé ku 15 sèptèmber 2016 a laga hasi un “Desk Due Dilligence” dor di E&Y Kòrsou (tin kantor na Guanzhou skùin dilanti GZE) GZE ta 44% Gobièrnu China, Kompania Estatal di China anto Gobièrnunan interino regional tin xxx %?

5. Promé Minister por splika si ta normal pa un DD rapòrt preliminar ta den man di PDVSA dor di e lèkmentu aki?

6. Ki “claim” Kòrsou su pueblo por spera dor di e lèkmentu aki di e DD di GZE?

7. Ora e “claim” bini ta RdK ku a firma e NDA huntu ku MDPT lo mester page òf Gobièrnu ku ta bisa ku no tin sèn lo mester saka un bono pa paga e “claim” riba kustia di pueblo?

8. Nos a komprondé ku dia 13 di yanüari 2016 den Konseho di Minister RDK i MDPT a presentá tur e kompanianan ku ta interesá pa finansiá modernisashon di refineria i un lista apart di esnan ku ke finansiá e “LNG Terminal” den forma di BOO. Ta dikon den rapòrt di SOAB ku a lèk i ku media ta fiesta kuné ta bisa ku ta e eks presidente so tin e lista ei? Nos sa ku RdK su direktor tin e lista sekreto ei. Mi ta kere ta bon pa no duna SOAB e lista, sino mayan e ta den AD i riba Facebook tambe. Promé Minister por sòru pa e lista ei keda sekreto pa nos no pèrdè mas kara den mundu internashonal di invershonista, nos ke palabra di Promé Minister. (Desk Due Dillegence via di Bankonan i kompanianan merikano i despues di 13 yanüari 2016 a laga VDC) (Rusiano i Panameño i un ku base na Hong Kong) 15 yanüari 2016 via di promé minister a pidi MDPT duna presentashon na Gobernador.

9. Promé Minister ta na altura di e daño enorme ku e lèkmentu di e DD di GZE i e rapòrt di SOAB riba MDPT a hasi na imágen di Kòrsou den eksterior?

10. Ki medida lo bai tuma pa kastigá esun responsabel? paso si laga e investigashon den man di OM, si resultá si ta primu di fundador di PAR nada lo no pase tòg?

11. Kon Gobièrnu ta bai drecha nos imágen despues di e lèkmentu aki pa ku futuro invershonistanan?

12. Promé Minister por konfirmá ku ya kaba a risibí “claim” di algun kompania ku a partisipá den e destaho di “LNG Terminal” pasombra a sali ku ta Shell a gana? Tambe si tin sèn pa paga e “claim” nan aki si akaso mester paga.

13. Promé Minister por duna nos kopia di e karta riba “letterhead” di SOAB òf e-mail saka dor di SOAB pa pidi eks presidente di MDPT i eks visepresidente di MDPT pa nan koperá ku investigashon di SOAB?

14. Tambe nos ke haña kopia di nan kontesta na SOAB esta e eks presidente i visepresidente di MDPT kaminda nan a kontesta SOAB dirèkt ku nan ta ninga di koperá. Pasombra hinter e rapòrt di SOAB i su lèkmentu ta hole fuerte riba persekushon polítiko, manera a hasi ku direktora di SSC usando e mesun SOAB aki. Nos sa ku SOAB ta tin tur su datonan personal di direktora di SSC manera e-mail adrès, adrès di kas, number di telefòn di kas etc. Nos ke sa kiko a pasa?

15. Promé Minister por splika dikon den e rapòrt di SOAB no ta menshoná dato di pagonan hasi na Bufete Van Eps Kunneman Van Doorne i di tur otro konsultant si? Ta esaki tabata e òrdu na SOAB pa skonde kos di amigunan di partidonan den koalishon?

16. Promé Minister por splika e link entre Sr. Frank Kunneman di e buffete di abogado i direktor di SOAB Sr. Geomaly Martis? Ta bèrdat ku nan tin un relashon via di Galan Groep pa duna lès di Corporate Governance i tambe interkambiá informashon nan konfidensial ku SOAB ta dispone di dje?

17. Promé Minister por konfirmá òf desmentí ku “VertegenWoordiging van Nederland” (VNW) a sinta den sekreto ku miembronan di MDPT den pasado sin pèrmit di e eks presidente i òf di Gobièrnu?

18. Promé Minister por splika dikon “Buitenlandse Zaken” ta asina interesá den e dokumentonan di MDPT ku ta konfidensial ku kada ratu ta buska moda di haña nan via via òf dirèkt? Nos ta hasi referensia na e karta di Minister Koenders di BUZA na eks promé Minister Whiteman kaminda mi ta sita, nan ke “inzage in het volledige dossier” di MDPT .

19. Promé Minister por konfirmá ku durante e insidente di Koronel Carvajal dia 25 di yüli 2014 na Aruba, ku ora PDVSA a stòp Refineria isla di haña krudo ku ta danki na MDPT Kòrsou a keda haña kombustibel pa Curoil i Aqaulectra tòg?

20. Ta bèrdat ku ta MDPT tabata úniko ku ta tin un plan pa e situashon ei? Tambe por splika dikon e echo ei no ta den e asina yama “nulmeting” di SOAB?

21. Ta bèrdat ku despues di e insidente ei a duna MDPT e enkargo tambe di e komishon “Garanderen Nood Brandstof Voorziening” via un MB? Nos por haña un kopia di e MB ei?

22. Ta bèrdat ke e aktual presidente di MDPT a ninga di sigui ku e enkargo aki i a delegá e responsabilidat aki na Curoil?

23. Si ta asina ta dikon e presidente aktual di MDPT a ninga e enkargo ei? Por ta pa falta di konosementu di e negoshi di refinashon?

24. Promé Minister por splika ki ròl MDPT a hunga den mobilisá Curoil, Aqualectra, RdK, APRI, PFWC etc. pa bringa e beslag di 75 mion florin ku korte a pone riba refineria Isla na aña 2015? Paso esei nos no a mira den e rapòrt ku a lèk di SOAB?

25. Promé Minister por splika dikon un konsultant ku ta traha den MDPT ku ta kasa ku un Minister di PAR ta ser paga mas ku e eks presidente i eks visepresidente di MDPT? (Eta in Dienst di RDK komo konsultant mitar dia pa 13200 florin pa luna (bedrijf Sterk Holding BV / Sterk International Advisory BV / Sterk International Management BV) i ta yuda ku “LNG Project” di MDPT anto e ta responsabel pa e kalkulashon di “fixed price” pa hür refineria anto “valuable price throughput” di “barrels” via di refineria i Bullenbaai)
26. Promé Minister por splika nos dikon tin un NDA entre RdK, MDPT i Gobièrnu i tambe e “landsbesluit” di 29 di novèmber 2013 ta papia di sekresia pa tur miembro di MDPT i e aktual presidente di MDPT a tene un “roadshow” den media i basha abou diferente detaye konfidensial di e DD di GZE?

27. Promé Minister por splika si e aktual presidente tin un NDA manera esun bieu di MDPT i tambe si e “landsbesluit” di 29 novèmber 2013 ta aplikabel pa e tambe?

28. Nos a komprondé di diferente media ku e aktual presidente di MDPT tabata metí den e froude milionario di Tanki gate tempu e tabata na “Dienst Wáter Distributie”. Promé Minister por konfirmá esaki òf desmentí esaki? Su chef Baas Schouten a bai sera e tempu ey.

29. Promé Minister ta na altura ku e aktual presidente di MDPT a hañ’e den kasonan similar di lèkmentu di informashon na Curaçao Airport Holding i a kuri kuné?

30. Promé Minister por splika nos dikon tur informashon ku ta lèk fo’i MDPT ta yega serka Antiliaans Dagblad?

31. Promé Minister ta bai laga OM investigá ta kon por ta posibel ku AD tin akseso na e informashon di lèk promé ku otro media?

32. Promé Minister ta bai laga OM investigá e lèkmentu di e strategia di RdK traha pa Buffete Kunneman den AD na 2015, ku hasi masha difísil pa “claim” Shell awe?

33. Gobièrnu lo sigui ku “claim” di Shell pa e daño kousa na nos medio ambiente i gastunan médiko pa lèkmentu di asbèst den Wishi i Marchena via Marchena Scrapyard 1960-1985?

34. Gobièrnu sa si Bufete di Kunneman i Ernst & Young Trinidad a informa RdK i MDPT ku fo’i 2015/2016 nan ta traha pa Shell Trinidad & Tobago ku ta operá tambe na Dutch Caribbean?

35. Gobièrnu ta na altura ku Buffete Kunneman a traha e karta pa Shell no por wòrdu di “claim” pa Gobièrnunan di Kòrsou i Antia despues ku nan a bai na òktober 1985?

36. Promé Minister ta na altura di e rapòrt devastador ku e auditor tékniko E&D Technologies (Canades/Koreano) a traha riba e kondishon di e plantanan di Refineria Isla?

37. Promé Minister sa ku segun e Lease agreement aktual PDVSA mester a reakshoná denter di 30 dia ku RDK a duna nan e rapòrt ei?
38. Promé Minister sa ku PDVSA ni Refineria Isla no a reakshoná riba e rapòrt ei?

39. Promé Minister sa ku ta estima un gastu pa koregí e daño hasi na e instalashon di Refineria Isla dor di PDVSA ku ta surpasá 800 mion dòler?

40. Promé Minister por konfirmá ku Gobièrnu, lesa Promé Minister a prohibí RdK hiba Isla/PDVSA korte tokante e ouditorio tékniko di E&D technologies?

41. Promé Minister por fasilitá Parlamento kopia di e rapòrt di e ouditorio tékniko ei?

42. Promé Minister por splika dikon e rapòrt ei si no a lèk den media? E ta hopi straño?

43. Promé Minister sa ku si Gobièrnu prohibí RdK di hiba Isla/PDVSA dilanti pa e asuntu di e rapòrt di ouditorio tékniko , Gobièrnu ta violá lei di Corporate Governance i ta sintando riba stul di RdK?

44. Promé Minister por informá Staten dikon e asuntu di e kondishon di e plantanan no ta aparesé den e rapòrt di SOAB tokante MDPT, miéntras ta MDPT a guia e proseso di e ouditorio tékniko?

45. Promé Minister ta na altura ku tin sanshon di Merka i Canada kontra PDVSA i Venezuela ku ta hasi masha difísil hasi negoshi ku PDVSA?

46. Promé Minister a enkargá MDPT aktualmente pa traha un DD di PDVSA, manera a traha pa GZE?

47. Si a laga traha un DD pa PDVSA, por duna nos un kopia, paso esei si no a lèk den media?

48. Promé Minister por konfirmá e estado di likides di Refineria Isla/PDVSA pa ku su pagonan na RdK i CRU?

49. Promé Minister por klarifiká si ta bèrdat ku e eks presidente di MDPT a traha un plan B fo’i tempu ku PDVSA no a firma e HoA i e MOU kaduká?
Traha un treaser pa buska kompania pa finansiá e proyekto di refineria anto e base tbt ta;

• Ku PDVSA aden
• Riba na mes sin PDVSA

50. Nos ta tende di un finansiamentu di un fondo soberano di Bahrain te ku 5 bion dòler. Por konfirmá esei?
• nan tbt ke garantia di Gobièrnu pa 20% 1 bion dòler
• Gobièrnu ta para responsabel pa PDVSA
• Garantisá ku e fondonan no lo disparsé den aktonan koruptivo

A buta esaki on hold pa bai buska un sin garantia, trouwens bo persona mes tabata negoshando pa finansiá Megapir 2 ku nan kiko a pasa?

51. Promé Minister por konfirmá ku deliberadamente ke brua tera den e asuntu di GZE pa trese Shell aden riba instrukshon di Hulanda?

52. Esei por ta splika e biahe relámpago di Promé Minister na kuminsamentu di yüni e aña aki pa Hulanda i e deklarashon hasi durante instalashon di hunta di komisario nobo di RdK 22 di yüni 2017? (Rhuggenaath a puntra e raad bieu over di GZE paso e la komuniká ku Shell ta willing di finansiá 3.85 bion na PDVSA pero Shell mester haña akseso na pos di petroli nan di Venezuela) Vice ambassadeur aprel 2017, 5 miembro di RvC a wòrdu bisa pa no dil ku e chines dil ku Shell)

53. Promé Minister por konfirmá ku e aktual presidente di MDPT no ta metí den e lèkmentu di informashon nan di DD di GZE i e rapòrt di SOAB?

54. Promé Minister por splika ki mishi SOAB a haña akseso na e dokumentonan di e destaho públiko hasi via di notario pa e “LNG Transhipment Terminal” si nan no a firma un NDA manera RdK i MDPT tim si a firma den pasado?

55. Ta bèrdat Promé Minister ku Hulanda ta kontra invershon grandi di China aki na Kòrsou?

56. Promé Minister por splika pueblo di Kòrsou dikon ora PAR ta den Gobernashon tin tantu lèkmentu di informashon di un proseso asina importante manera futuro di nos Refineria?

57. Promé Minister ta konvensí ku e MDPT aktual despues ku tantu miembro a bai tin e kapasidat pa sigui ku e proseso? (4 miembro a bai di MDPT)

58. Por último nos a tende Semper ku e eks presidente di MDPT tabata hasi kos su so, pero dia nos Promé Minister Pisas tabata sinta semper ku e a reuní ta tin mas hende di MDPT, RdK i CRU presente. Awor nos a komprondé ku e aktual presidente di MDPT ta riba un “solo tour”, Promé Minister por splika si esei ta su “opdracht”?

Leave a Reply

%d bloggers like this: