Frakshon di MAN: No ta drai bèk suèldu mínimo di 9 florin pa ora.

Frakshon di MAN: No ta drai bèk suèldu mínimo di 9 florin pa ora.

Frakshon di MAN, ku masha atenshon, a tuma nota di intentonan ku ta keda hasí pa sembra den pueblo e pensamentu komo sifuera minister Hensley Koeiman lo ta bai drai bèk e desishon ku a tuma aña pasá pa pone suèldu mínimo na 9 florin pa ora. Punto di bista di MAN riba e tópiko ta bon kla. Suèldu mínimo di 9 florin pa ora tei pa keda, ounke MAN ta rekonosé ku e forma unilateral riba kua e desishon a keda tumá na ougùstùs di 2016 no tabata korekto. E desishon tumá na 2016 tabatin balides di un aña.
Frakshon di MAN ta na altura di e esfuersonan ku minister Koeiman ta hasiendo pa regla e asuntu aki di forma struktural i di un manera responsabel. Minister Koeiman ta den kombersashon ku sindikatonan i ku dunadónan di trabou al respekto. Tin un entendimentu entre Gobièrnu, Sindikatonan i Dunadónan di trabou ku no ta drai bek e suèldu mínimo di 9 florin pa ora. Frakshon di MAN ta na altura ku pronto lo por firmá e LB HAM pa garantisá ku e suèldu mínimo no ta bai bèk ANG 08,20. Ya SER a duna su punto di bista i awor ta den espera di e konseho di Raad van Advies.
Frakshon di MAN ta lamentá ku un tópiko delikado manera esaki ta keda usá pa hunga ku sentimentu di e trahadó. MAN ta spera e reunion públiko di Parlamento riba e tópiko aki ku ansiedat pa tende minister Koeiman desbaratá e ponensianan mentiroso i manipulativo ku ta keda ventilá. Ponensianan ku no por tin otro meta ku ta di sembra miedu/pániko bou di e grupo aki di komunidat. E personanan aki por tin tur siguransa ku MAN ta sali na nan vanguardia.

Na nòmber di Frakshon di MAN,
Elsa Rozendal
Lider di Frakshon

Leave a Reply

%d bloggers like this: