KOMUNIKADO DI KUERPO POLISIAL KÒRSOU Detenshon pa violashon di Lei di Arma di Kandela.

KOMUNIKADO DI KUERPO POLISIAL KÒRSOU
415 / 2017
11 òktober 2017
Detenshon pa violashon di Lei di Arma di Kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 11 òktober 2017, alrededor di 18.49 or, Sentral di Polis a risibí notifikashon ku
bandá di un snèk na Mirla Plateweg tin un hòmber den un vehíkulo kolo pretu ku un arma
di kandela den su poder. Tim di Mantenshon di òrdu Públiko ku a yega na e sitio a topa ku e
hòmber sintá den e outo ku un arma di kandela den man. A konfiská e arma di kandela i a
detené e sospechoso J.C.D.L.S. nasé na Repúblika Dominikano di 44 aña di edat. Tambe
polis a konfiská e outo kolo pretu pa mas investigashon.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.

Leave a Reply

%d bloggers like this: