Djabièrnè 29 sèptèmber 2017, Korte na Kòrsou a trata e kaso konosi komo “Bandera Grill” ku 3 sospechoso: W. la R., (doño Bandera Grill), A.S. ( beheerder Bandera Grill) i R. la R. (Inspektor di polis).

Info OM:

Awe, djabièrnè 29 sèptèmber 2017, Korte na Kòrsou a trata e kaso konosi komo “Bandera Grill” ku 3 sospechoso: W. la R., (doño Bandera Grill), A.S. ( beheerder Bandera Grill) i R. la R. (Inspektor di polis).
Ta trata di un kaso na unda Ministerio Públiko (OM) di Kòrsou ta akusá e sospechosonan di ta ko-outor (medeplegen) den trafikashon di hende ku 1 viktima, e dama B.C.C. di Venezuela. Kontra W. la R. Tin tambe e akusashon di menasa i kontra R. la R. Tambe hasi maluso di su funshon komo polis.
E dama viktima a entregá un daño perhuisio di 50.000 florin. E ta bisa ku el a bin Kòrsou na òktober 2016 pa traha komo “trago-meisje” den Bandera Grill. Na Kòrsou e gerente W. la R. i beheerder A.S. di Bandera Grill a oblig’e pa drenta tambe den trabou di prostitushon. El a ninga esei i einan e problemanan a kuminsa p’e. Esaki, sigun Fiskal, ta un forma di oprimi i abusá di trahado. Un kaso pues di trafikashon di hende na unda ta buská dama nan afo i bou di engaño ta lòk nan pa bin nos isla pa hasi otro trabou.
Fiskal di Ministerio Públiko a hasi un demanda awe kontra e sospechosonan:
W. la R. (1963): 6 luna kompletamente kondishonal i 2 aña proeftijd
A.S. (1974): 3 luna kompletamente kondishonal i “verbeurd verklaren” di su outo, un SUV, ku a keda konfiska pa motibu ku el a usa esaki pa transporta e viktima i 2 aña proeftijd
R. la R. 1962): 6 luna kompletamente kondishonal, 2 aña proeftijd i 3 aña “ontzetting uit ambt” komo polis.

Wes ta duna su veredikto aki 3 siman den e kaso aki.

%d bloggers like this: