Un abogado di Ulanda a pidi Korte permit pa sali na defensa di un sospechoso aki na Korsou. 

Info OM:

Un abogado di Ulanda a pidi Korte permit pa sali na defensa di un sospechoso aki na Korsou. Ta trata di un kaso ku e sospechoso N.V. ku ta ser sospechá di falsifikashon di dokumento. 

Hof a rechasá e petishon pa un abogado di Ulanda keda aksepta pa motibu ku aprobashon pa asistensia huridiko foi Ulanda ta solamente den kasonan eksepshonal. Esaki tabata e mesun opinion di Abogado-general (AG) di Ministerio Publiko. 

Hof no ta haña ku e spesialisashon di e abogado di Ulanda ta aplikabel pa e sospechoso di Korsou. Ademas Hof no ta haña ku e kaso tin peso of ta di un kompleksidat haltu ku ta rekeri asistensia huridiko foi eksterior. E petishon pues a keda rechasa. 

E kaso kontra sra. N.V. ta programá pa keda tratá den luna di november 2017 den Korte.

Leave a Reply

%d bloggers like this: