Advertisements

Nos dokternan studiá den region y cuido médico

Nos dokternan studiá den region y cuido medico

Desde cu mi a traha na hospitaal te awor, mi no por compronde dicon ta asina un problema pa nos yiunan di tera cu a studia pa dokter den regio tin cu pasa tanto trabao pa por eherce nan funcion na nan País, Aruba. Mi sa cu e ta un topico basta detayá, pero mi lo enfoca riba un caso en particular pa trece mi punto dilanti.
Ban analisá un rato. Dicon nos no por ta “open-minded”?
Mi por papia di mi mesun experiencia. Mi yiu muher no a haci 1 aña ainda y tabata haña kentura halto regularmente. Cada biaha cu mi bay dokter, e ta bisami cu mi yiu no tin nada y e ta recetele antibiotica. Esaki a pasa pa algún luna largo! Ora por fin el a accede pa dunami un verwijsbrief pa mi yiu por bay un kinderarts, mi a topami cu un waarnemer kinderarts Hulandes cu lo mester a baha cu pension caba! Mi ta splic’ele cu mi ta kere cu mi yiu tin un problema cu Sinusitis y e ta bisami cu esaki no ta posibel, mirando cu bo Sinus kanalen, dus e vianan di un hende su nanishi ta crece te rond bo 21 aña. El a pidi mi pa bay radiologie pa un examen di Thorax. Esaki a Sali clean.
Mi a dicidi di bay riba gasto propio, cu judansa di familiarnan Colombia. Mi a bay serca un kinderarts cu mas cu un specialisacion. Mi a splic’e e sintomanan y el a mandami hasi algún test. Ora e resultado a bini bek, mi a wordo informá cu mi yiu tin un infeccion bacterial, dus un Sinus infection. Tambe e specialista a bisami cu si mi a warda un tiki mas, e caso lo a bira pior y lo a traduci su mes den Meningitis, cual e slijm y bacteria ta bay den e yiu su celebro y ta afecta esaki. Acaso nan tabata kier pa jega asina leu pa por cobra mas, poniendo un criatura su bida na peliger? Na Colombia tambe mi yiu a casi bay for di tino di tanto slijm cu e tabata tin. Mi a core hibele un eerste hulp pa nan por a atendele.
Ora mi a jega bek Aruba, mi mester a paga un consulta priva na un specialista pa por a haña un oido. El a splicami cu mi yiu mester wordo operá pero cu mi mester un verwijsbrief di e yiu su huisarts. E huisarts no kier a dunami esaki na prome instante, ni siquiera dunami un cita pa mi por mustrele tur e analysisnan cu a wordo hasí. Despues cu mi a kehele na AZV, el a jamami pa mi por bin busca e verwijsbrief. Mi yiu a bolbe bira malo y na eerste hulp, ni cu tur e resultadonan cu mi tabata tin cu mi di e testnan cu mi a hasi, nan no kier a mira nan, ni jama e specialista cu tabata atendiendo mi yiu aki na Aruba.
Cu esaki mi kier ilustra algún punto:
– Dicon mester tarda asina tanto, si e huisarts no por saca afor kico ta pasando?
– Dicon e ta tumele manera un ofensa si bo kier un second opinion? Acaso nan tin miedo di ta fout?
– Dicon mester traha afspraak y/of warda tanto pa por wordo atendí?
– Nos tur ta paga pa un seguro médico (AZV), dus ora mester di dje, ta expect di por hasi uso di dje tambe!
– Nos pashentnan no mester muri bay sin a haña asistancia y cuido
– P’esey mester POR traha den un TEAM Multidisciplinario
– Nos comunidad tin DERECHO riba un SECOND opinion!
– Si cada rato nos pashentnan ta wordo mandá Colombia y of otro paísnan den regio, dicon nos yiunan di tera cu a studia den e mesun paísnan aki no ta bon pa traha akinan?
– Tambe ta remarcabel cu den nan estudio, nan ta topa virus, bacteria y malestarnan tipico di den e region aki, cu bo lo no haña na p.e. Europa!

Concluyendo: nos yuinan di tera cu a hasi nan esfuerzo pa studia pa dokter of medicina, ta bon prepará pa sirbi nos comunidad den su totalidad!

Cu bo sosten, Aruba lo tin un mihor futuro caminda nos tur por biba trankil! Level Up cu PPA!
Lider di PPA, Kar-Lie Ng #2 riba e lista combiná! Aruba Semper Prome!

Advertisements
%d bloggers like this: