Advertisements

Ningun nashon na mundu, no por wòrdu desaroyá sin e kontribushon di esnan ku awe ta adulto mayó

Ningun nashon na mundu, no por wòrdu desaroyá sin e kontribushon di esnan ku awe ta adulto mayó

Pa e motibu aki un sunchi pa bosnan di parti Gerrit Schotte i MFK

Nos di Movementu Futuro Kòrsou (MFK), ta sumamente kontentu i orguyoso di nos hendenan grandi, ku durante di e luna di sèptèmber aki ta hañ’e e posibilidat pa pueblo di Kòrsou demonstrá su Apresio i Gratitut na bosnan.

Pa nos di MFK, bosnan nos adultonan mayó ta e héroenan ku a konstruí loke awe, nos ku ta esnan mas hóben ta disfrutá di dje. Bosnan ta e pioneronan ku danki na bosnan esfuerso, awe nos tin un Kòrsou kaminda nos tur por biba i disfrutá di masha hopi kos ku danki na bosnan ta na nos disposishon awe.

MFK ta konsiente ku falta hopi mas atenshon pa bosnan, nos adultonan mayó por disfrutá di e parti mas bunita di bo(so) bida. Nos komo organisashon polítiko lo sigui traha duru pa bosnan por konta ku e benefisiosonan i alohamentu ku bosnan ta meresé.

Di e forma aki nos di MFK kier demostrá nos Apresio i Gratitut na kada un di bosnan.

Danki pa na promé lugá ta nos tata i mama, nos opa i oma, pero tambe danki pa ta esnan ku a pone un fundeshi sólido pa nos por sigui konstruí ariba.

Un sunchi pa boso tur di parti Gerrit Schotte i MFK.

Na nòmber di MFK

Gerrit Schotte
Lider Polítiko

Advertisements
%d bloggers like this: