Kòrsou su Parlamento tambe lo bai forma parti di e delegashon di Reino ku bishita di trabou na Asamblea General

Kòrsou su Parlamento tambe lo bai forma parti di e delegashon di Reino ku bishita di trabou na Asamblea General nr.72 Nashonnan Uni , na New York na luna di òktober proksimá, meskos ku koleganan Parlamentario di Tweede i Eerste Kamer a bin ta hasi tur aña bou di invitashon di Ministernan di Asuntunan di Eksterior pa algun aña kaba.
Esaki ta resultado di un trabou intensivo ku mi ta tin despues di IPKO na Den Haag yüni 2017.
Durante algun enkuentro nan informal ku mi koleganan Parlamentario di Hulanda durante IPKO mi a bin komprendé ku tur aña e delegashon di Parlamento e komishon asuntunan eksterior ta hasi bishita interesante I importante di trabou p.e.ku temanan manera kambio klimatiko i derechonan humano na Nashonal Uni.
Na momento ku mi a tuma nota di esaki na mi regreso mesora mi a kuminsá hasi mi hùiswèrk pa sa kiko ta e motibu dikon e otro islanan den di Reino Hulandes no ta partisipá den enkuentronan aki riba nivel di Reino.
Aki un biaha mas mi a realisá e défisit demokrátiko ku nos tin den Reino. Ku e konvikshon pa lucha kontra di e asina défisit demokrátiko ku tin den Reino mi a buska te ku mi a logra optené via di mi kontaktonan den Parlamento di Hulanda, un karta di Minister di Asuntunan Eksterior Bert Koenders fecha july 2017, unda e ta bolbe invitá algun Parlamentario di Tweede en Eerste Kamer pa presensia enkuentro balioso na VN na New York e aña aki.
Den kuadro di esaki mi a puntra ekspertonan pa guia mi den e trayekto aki pa asina logra ku Hulanda mester inkluí Parlamento di Kòrsou ora ta trata di asuntunan di Reino ku nos tambe ta forma parti.Sigur ora Kòrsou a hunga un ròl importante pa Hulanda na momento ku mester a lobby ku paisnan den Latino Amérika I Caribe pa e por forma parti di Veilighiedsraad di Nashon nan Uni próksimamente.
Ku a keda kristalisá traves di un karta ku mi duna Presidente di Parlamento sr.Millerson ku a koperá di un manera sumamente kolegial i a manda e karta aki na su nòmber komo Presidente di Parlamento di Kòrsou pa Minister Koenders ku e opservashon ku mirando ku aki ta trata di un Asuntu di Reino unda Parlamento di Hulanda tambe ta partisipá ,Parlamentario nan di Kòrsou tambe lo mester forma parti di e delegashon aki.

Esaki a konkluí ku siman pasa ku hopi orguyo Parlamento di Kòrsou a risibí e invitashon aki di Mininster Bert Koenders , unda nan ta inkluí Aruba i SXM tambe na e delegashon di Parlamento pa asuntunan eksterior.
Ku hopi orguyo mi ta risibí e notisia aki ya ku esaki ta habri e porta pa den futuro Parlamentonan di Kòrsou i otro islanan den Reino tambe partisipá den e delegashon di Reino na Asambleanan General di Nashonnan Uni den futuro.

Giselle Mc William
Parlamentario di Partido MAN

%d bloggers like this: