Felisitashon pa deporte di pool di sr. G. Doran Parlamentario-MFK

Felisitashon pa deporte di pool di sr. G. Doran Parlamentario-MFK

Pa medio di e komunikado aki, Parlamentario Gilbert “Gibi” Doran ta manda felisitá Shamir Tremus, pa su logro den e deporte di “Pool” den e kompetensia di bola 8 di Pan Amerikano, ku a tuma lugá na Argentina.
Shamir a sa di gana medaya di bròns den e kompetensia di bola 8 Pan Amerikano aki. Miéntras ku den e kompetensia di bola 10, Shamir a hasi un tremendo trabou i asina gana medaya di oro.
Nos ta keda pendiente pa e kompetensia di bola 9, kaminda Shamir lo partisipá i nos no tin duda ku den esaki tambe lo e sa di saka kara di Kòrsou.
Pabien hopi éksito i sigui ku e bon trabou ku bo a bin ta desplegá den e deporte di “Pool”.

%d bloggers like this: