Advertisements

1 Sèptèmber 2017: Dia di Prensa (Lokal). Minister M. Alcalá-Wallé kièr a deseá kada persona ku ta laborá den prensa pabien riba nan dia.

1 Sèptèmber 2017: Dia di Prensa (Lokal). Minister M. Alcalá-Wallé kièr a deseá kada persona ku ta laborá den prensa pabien riba nan dia.

Prensa ta un di e pilarnan di mas importante pa edukashon i formashon di un pais. Un pais ku ta respetá su mes ta duna prensa informashon konfiabel i verídiko pa informá e komunidat en-general. Imparsialidat den prensa ta e fundeshi pa duna un nashon e informashon pa e por komprendé i kontribuí na e formashon di su mes opinion. Pesei ta importante pa yuda ku e desaroyo di prensa teniendo kuenta ku imparsialidat.

Tambe e echo ku prensa ta duna informashon ku ta kontribuí na demokrasia di nos pais ta di vital importansia pa un pais demokrátiko. Esaki ta pone nos pensa riba vários ekspreshon i dichonan ku ta pone e relashon entre demokrasia i prensa. Manera e ekspreshon di periodista Walter Cronkite (♂1916 – †2009) a bisa ku: ‘Freedom of the Press is not just important to democracy, it is democracy’. Pesei den un komunidat demokrátiko nos mester duna prensa informashon i pone medionan konfiabel i responsabel pa e desaroyo di nos mes hendenan i tambe pa para ketu na e echo ku prensa ta forma parti di un pilar importante den formashon di un pueblo demokrátiko.

Ta bon pa reflehá riba esaki. Prensa ta kontribuí na e formashon i desaroyo di kada persona den nos komunidat. E ta un di e instrumentonan pa duna informashon pa asina kada suidadano por haña informashon korekto i forma su mes opinion. Alabes e ta kontribuí na e desaroyo di idioma komo ku uso di idioma di forma skirbí i papiá tin influensia riba e komunidat.

Pesei awe riba dia di Prensa, Ministerio di Enseñansa, Siensia, Kultura & Deporte den persona di Minister M. Alcalá-Wallé kièr a deseá kada persona ku ta laborá den prensa pabien riba boso dia. Danki pa boso aporte balioso na konstrukshon di nos pais dor di sostené nos ku informashon pa asina nos sigui salvaguardá nos demokrasia.

Danki i mas Danki.


Sra. drs. Marilyn M. Alcalá-Wallé
Minister di Enseñana, Siensia, Kultura & Deporte

[pdf-embedder url=”https://kikoapasa.com/wp-content/uploads/Komunikado-pa-Prensa-relashoná-ku-Dia-di-Prensa-01-09-2017.pdf” title=”Komunikado pa Prensa relashoná ku Dia di Prensa 01-09-2017″]

Advertisements
%d bloggers like this: