Pronóstiko di tempu pa Kòrsou i bisindario bálido te djabièrnè mainta 6:00 o.l., 1 di sèptèmber 2017.

Pronóstiko

Pronóstiko di tempu pa Kòrsou i bisindario bálido te djabièrnè mainta 6:00 o.l., 1 di sèptèmber 2017.
Kompilá: djaweps 31 di ougùstùs 2017, 05:00 o.l. (09:00 UTC).

Tempu: Shelu ta generalmente parsialmente nublá ku algun áwaseru, posiblemente te mèrdia tempran. Un tiki bos tambe por zona. Den djabièrnè mardugá esaki por bolbe ripití.
Temperatura máksimo lo alkansá 34 ºC i temperatura mínimo 27 ºC.
Solo ta sali 06:25 i ta baha 18:46 o.l.
Bientu: For di direkshon generalmente ost i moderá; forsa 3 te 4 (12 te 30 km/ora, 7 te 16 nudo). Ráfaga de bes en kuando basta fuerte te posiblemente fuerte; forsa 5 te 6 (31 te 50 km/ora, 17 te 27 nudo).
Situashon general: Un fluho di airu algu húmedo lo produsí periódikamente oumento di nubia den nos área ku posibilidat di yobida riba parti di Kòrsou. Sin embargo, mayoria di e aktividat di áwaseru lo pasa den e sekshon na nort di nos region lokal. Den un otro aspekto, ta spera ku bientu lo oumentá un poko den e di dos mitar di e siman aki i asina generá olanan di laman mas haltu pa djabièrnè i tambe e próksimo fin di siman.
Kondishon di laman: Por lo general moderá ku altura di ola entre 0.5 i 1.5 meter ( 2 pa 4, lokalmente 5 pia).
Sistemanan signifikante di wer tropikal: Áwaseru relashoná ku sobránan di siklon tropikal Harvey ta sigui ekstendé den nortost travesando Estádos Unídos. Sentro Nashonal di Orkan a emití e último boletin riba e sistema aki. Tormenta tropikal Irma ta move wèst na e momentonan aki riba ost Atlántiko Tropikal i ta spera ku e sistema lo bira un orkan mas lat awe djaweps, miéntras e ta kontinuá riba laman habrí di Atlántiko. Ningun di e sistemanan aki ta representá un menasa pa Kòrsou.
Fenómeno spesial: Ningun.
Perspektiva te djasabra mainta: Parsialmente nublá i chèns pa algu di áwaseru breve den mainta.
Meteorólogo: Coffie
E próksimo boletin di tempu lo wòrdu publiká djaweps 11:00 o.l. (15:00 UTC).

%d bloggers like this: