Openbare Aanbesteding pa Karnaval 2018 / 2019 a tuma lugá

Openbare Aanbesteding pa Karnaval 2018 / 2019 a tuma lugá

Ayera tabata e dia kaminda ku a tuma lugá e Openbare Aanbesteding pa asina por disidí ken òf kua instansha lo bai tin na nan enkargo pa organisá Karnaval 2018 / 2019.
Esaki a tuma lugá na Sektor di Kultura i Deporte na Scharloo pa 4’or di atardi, kaminda tur e personanan ku a tuma un ènvelòp mester a entrega esaki no mas lat ku 3.55’or pa asina por partisipá na e destaho públiko aki.
Nos a komprondé ku tabata tin kuater organisashon ku a tuma parti na e destaho públiko, ku ta Coridja Stars Production, AGKK, Juni Aniseta di Grupo JAG i Gisgard Felida di Su Musica. Nan ta e kuater organisashon nan ku lo bai ta den e kontienda pa asina den algun siman nos por haña sa ken lo bai organisá Karnaval 2018 / 2019.
Si nos tuma nota di e nòmbernan, dos sigur a organisá Karnaval kaba den pasado. Juni Aniceta no ta un deskonosí tumando nota ku e la yega di organisá elekshonnan pa ku Karnaval na vários okashon i Gisgard Felida ta un konosido promotor ku a yega di organisá konsierto nan grandi na vários okashon na Kòrsou.
Kada un di e gruponan aki a entrega e suma ku pa nan ta esun ku nan lo por bai usa pa asina por hasi presentashon di nos fiesta kultural posibel. Spera ku mas pronto posibel lo tuma e desishon ken lo haña e mandato, paso dianan ta bai i ya nos ta drentando e luna di sèptèmber. Kaminda ku si nos tuma nota ya pa 06 di yanüari 2018 lo mester tin e apertura ofisial di Karnaval 2018.

%d bloggers like this: