PARLAMENTARIO PA PARTIDO MAN YAËL PLET KIER SA KIKO TA GOBIÈRNU SU PLANNAN PA KU DESAROYO DI NOS SENTRO DI SUIDAT

PARLAMENTARIO PA PARTIDO MAN YAËL PLET KIER SA KIKO TA GOBIÈRNU SU PLANNAN PA KU DESAROYO DI NOS SENTRO DI SUIDAT

Pa basta tempu kaba nos sentro di siudat no ta pasando den su mihó tempunan. Nos ta mira ku tin basta negoshi ta serando nan porta nan i ku e kantidat di bishitante den Punda ta bahando drástiko.
Nos ta haña diferente aserkamentu di komersiante i trahadónan di sentro di siudat ku ta bati alarma pa e situashon. Tin diferente idea i plannan riba mesa pa trese mas aktividat ekonómiko den nos sentro di siudat.

Diversividat ekonómiko tambe kalidat di produkto i servisio ta loke pueblo tambe ta eksigí. Mester drecha e situashon di tal manera ku e pueblo kumpradó ta haña e gana di sali kas i bai sentro di siudat.

Últimamente nos mira un presentashon di DMO ku nan ideanan pa nos sentro di siudat.

Relashoná ku esaki mi a manda karta pa 3 minister ku e siguiente pregunta nan:

Minister di Ekonomia :

1. Minister ta na altura di e situashon alarmante ku nos sentro di siudat ta aden?
2. Minister ta na altura di e plan nan/proyektonan ku tin riba mes pa asina krea mas aktividat ekonómiko den sentro di siudat?
3. Minister ta sostené e plannan di DMO pa asina drecha nos sentro di siudat?
4. Ki ta e vishon di gobièrnu pa loke ta desaroyo di nos sentro di siudat?
5. Minister ta di opinion ku gobièrnu ta un di e aktornan prinsipal pa loke ta desaroyo di nos sentro di siudat?
6. Tin estudionan hasí ki ta loke pueblo kumpradó ke pa tini den sentro di siudat?
7. Tin estudionan ki ta e motibunan ku pueblo no ta bini sentro di siudat? Si ta si Minister duna nos e motibunan?
8. Minister ta sostené e pensamentu pa lanta un komishon konsistí di komersiante nan, ministerio di desaroyo ekonómiko, ministerio di vvrp i ministerio di finansa, pa huntu traha riba solushoná pa kristalisá proyekto nan pa desaroyo di nos sentro di siudat.

Minister di Minister di Tráfiko, Transporte i Planifikashon Urbano:

1. Minister ta na altura di e problemátika di pèrmit?
2. Minister ta kere mester bin ku kambionan den lei pa por krea i duna mas oportunidatnan pa tin mas aktividat den nos sentro di siudat?
3. Minister ta di opinion ku mester trese un maneho special pa nos sentro di siudat, asina tin bida durante dia i anochi?

4. Minister ta sostené e pensamentu pa lanta un komishon konsistí di komersiante nan, ministerio di desaroyo ekonómiko, ministerio di vvrp i ministerio di finansa, pa huntu traha riba solushoná pa kristalisá proyekto nan pa desaroyo di nos sentro di siudat.

Minister di Finansa

1. Ki ta pensamentu di gobièrnu pa hasi sentro di suidat tax free?
2. Minister ta sostené e pensamentu pa lanta un komishon konsistí di komersiante nan, ministerio di desaroyo ekonómiko, ministerio di vvrp i ministerio di finansa, pa huntu traha riba solushoná pa kristalisá proyekto nan pa desaroyo di nos sentro di siudat?

Parlamentario pa frakshon di MAN
Yaël Plet

%d bloggers like this: