KOMUNIKADO DI KUERPO POLISIAL KÒRSOU Departamentu di Komunikashon i Prevenshon

KOMUNIKADO DI KUERPO POLISIAL KÒRSOU
349 / 2017
28 ougùstùs 2017
Detenshon pa ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 28 ougùstùs 2017, alrededor di 11.12 or, Sentral di Polis a haña notifikashon ku tin tres (3) hòmber sospechoso ku a drenta den un kas na Grote Berg. E hòmbernan a yega na e kas den un outo Vitz blou. Mesora sentral a dirigí un unidat polisial direkshon di Grote Berg. Na kaminda un unidat polisial a topa ku e outo menshoná i a start ku un persiguishon tras di e outo. Riba Kaminda Laurentius M. Matilda e shofùr a aksidentá ku e outo i e sospechosonan a baha for di e outo i kore bai for di e sitio. Un otro unidat riba Kaya Kroner a topa ku dos hòmber kanando, ku ta kuadra ku e deskripshon di e sospechosonan ku un ratu promé a hòrtá den e kas na Grote Berg. Na momento ku e hòmbernan aki a mira e outo polisial nan a kuminsa kore. E agentenan a logra di detené un di nan, e hòmber I.T.T. nasé na Kòrsou di 22 aña di edat. Na momento di su detenshon e tabatin un kabel di un bòks di televishon den un tas ku probablemente ta prosedente di ladronisia. Den e outo tambe tabatin algun artíkulo entre otro televishon prosedente di e ladronisia menshoná. Polis a konfiská tur e artíkulonan i e outo pa mas investigashon.
A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.

%d bloggers like this: