Advertisements

Atenshon pa Boneiru riba kanal di YouTube di Erik Conover, konosído persona di influensia riba media sosial

Atenshon pa Boneiru riba kanal di YouTube di Erik Conover, konosído persona di influensia riba media sosial

Kralendijk (29 di ougùstùs 2017) Den fin di siman a emití e video di Boneiru di e asina yamá ‘vlogger’ di YouTube, Erik Conover. E ‘vlog’ (abreviashon di video weblog) ta resultado direkto di e bishita di prensa di Erik na Boneiru na komienso di ougùstùs.

E promé di su serie di vlognan tokante Bonaire ta asentuá 7 Sitio na Boneiru ku bo lo no kere ku ta eksistí. Su tòp 7 aktividat-/atrakshonnan faborito ta inkluí e bakinan di salu, sambuyamentu den kueba, sambuyamentu durante dia, Klein Boneiru, sambuyamentu durante nochi, Rincon i Parke Nashonal Washington Slagbaai. Erik ta inkluí un historia breve i informashon general di kada aktividat/atrakshon ku e ta mustra. Pa wak e vlog akí di 14 minüt bishitá: https://www.youtube.com/watch?v=vVjeykBqyrE òf buska ‘7 Incredible Places in Bonaire You Won’t Believe Exist’ riba Youtube.

Na e momentunan akí Erik su kanal di YouTube tin mas di 223.000 abonado. E vlog ya kaba a risibí mas di 20,500 bishita i 264 komentario.

Nos ta kurashá un i tur pa kompartí e vlog akí ku amigu- i siguidónan riba media sosial.

Advertisements
%d bloggers like this: