Advertisements

Kuerpo Polisial Kòrsou ta sali na promé lugá den “Korps Triathlon” organisá pa Brigada di Seguridat I Formashon

Kuerpo Polisial Kòrsou ta sali na promé lugá den “Korps Triathlon” organisá pa Brigada di Seguridat I Formashon

Willemstad – Djasabra 26 di ougùstùs Fundashon Bos di Hubentut ku e proyekto di Brigada di Seguridat I Formashon a organisá un “Korps Triathlon”, kaminda 4 kuerpo kual ta Kuerpo Polisial Kòrsou, Brandweer Kòrsou, Scouting Antiano i Brigada di Seguridat I Formashon a partisipá. “Korps Triathlon” ta un challenge kaminda 4 empleado di e organisashonnan ariba menshoná a partisipá.

E triathlon a tuma lugá den forma di kompetensia entre e timnan partisipante. E timnan tabatin ku pasa huntu den tur e tres aktividatnan kual ta landa – kore na pia i kore baiskel. A Sali for di playa Jeremi landa bai playa Lagun, despues a kore na pia bai Kazerne di Brandweer na Barber i despues subi baiskel i kore bai parasasa beach kaminda a hasi entrega di premio.

Esaki ta pa demonstrá e timnan su abilidatnan físiko i nan kapasidat pa traha den tim. E aspekto di trahamentu huntu ta duna e triathlon e karákter di un training di teambuilding, perseveransha i liderasgo. Esaki tin komo meta pa uni tur kuepro ku ta duna servisio na komunidat. Na final di e dia a saka e tres timnan ganadó. Na promé lugá a sali Kuerpo Polisial Kòrsou, na di dos lugá brandweer Kòrsou i na di tres lugá Scouting Antiano. Brandweer Kòrsou a bai ku “Best Swimming team” i Kuerpo Polisial a bai ku “Best Running” i “Best cycling team”.

E evento a resultá di ta super eksitoso i ku e meta pa e bira un kompetensia anual kaminda mas kuerpo ta partisipá. Den un kompetensia sano di deporte kuerponan por partisipá i kompetí. Un Danki ta bai na tur kuerpo ku a partisipá i tambe tambe pabien na tur ku a sali den premio.

Advertisements
%d bloggers like this: