KOMUNIKADO DI KUERPO POLISIAL KÒRSOU Ladronisia ku violensia ku herido.

KOMUNIKADO DI KUERPO POLISIAL KÒRSOU
346 / 2017
28 ougùstùs 2017
Ladronisia ku violensia ku herido.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djádumingo 27 di ougùstùs 2017, alrededor di 22.46 or, Sentral di Polis a haña notifikashon
ku na un snèk riba Ronde Klipweg un ladronisia ku violensia a kaba di tuma lugá i ku tin un
persona heridá.
Na yegada di e unidat polisial na e sitio nan a haña un hòmber drumí abou den e snèk ku
un herida di bala na su ènkel drechi. For di un investigashon preliminar ku polis a realisá na
e sitio a resultá ku dos (2) hòmber bistí kompletu na pretu respektivamente ku machete
den man i ku un arma di kandela a drenta den e snèk ariba menshoná. E sospechoso ku
tabatin e arma di kandela a lòs un tiru riba e víktima ku tabata patras di e tonbank ku e
konskuensia ya menshoná. Despues di nan akto e sospechosonan a hui bai for di e sitio ku
pertenensia di e víktima i tambe merkansía prosedente di e snèk.
Ku ambulans a transportá e víktima pa poliklínika di SEHOS pa tratamentu médiko.
Atrako tim ta kontinuá ku e investigashon.

%d bloggers like this: