KOMUNIKADO DI KUERPO POLISIAL KÒRSOU Detenshon pa violashon di Lei di Arma di Kandela.

KOMUNIKADO DI KUERPO POLISIAL KÒRSOU
345 / 2017
28 ougústús 2017
Detenshon pa violashon di Lei di Arma di Kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadomingu 27 di ougústús 2017, alrededor di 17.31 or, sentral di polis a dirigí un patruya
na Seru Fortunaweg pa un shofùr ku ta koriendo den un outo blanku i ku tin un arma di
kandela den su poder.
E Patruya a kuminsá un investigashon i a topa e outo indiká riba Seru Fortunaweg i a duna e
shofùr òrdu pa para su vehíkulo. E shofùr no a duna oído na e òrdu di polis i a sigui kore
subi Rooseveltweg direkshon di Hato. Na altura di e krusada Seru
Fortunaweg/Rooseveltweg polisnan atento a mira kon e shofùr a tira un opheto di plata for
di su outo. E patruya a sigui tras di e outo i na altura di gròt di Hato polis a logra di para e
outo. Na e sitio kaminda e shofùr a tira e opheto di plata for di su outo polis a haña i
konfiská un pistol. En konekshon ku esaki polis detené e hòmber(shofùr)sospechoso, E.B.M.
nasé na Kòrsou di 47 aña di edat pa violashon di Lei di Arma di Kandela.
Despues di detenshon polis a tene un entrada hudisial na kas di e sospechoso E.B.M. den
Souax.
A presentá e sospechosonan dilanti di un Fiskal Ouksiliar ku a ordená su enkarselashon
pendiente di mas investigashon.

%d bloggers like this: