Advertisements

Caribbean Queens Concert a resultá un éksito

Caribbean Queens Concert a resultá un éksito

Un biaha mas pueblo di Kòrsou por a gosa di un tremendo konsierto ku a tuma lugá djasabra anochi na Renaissance Ocean Front Park.
Renaissance Curaçao Resort & Casino a sa di trese e tres dama nan aki huntu pa asina por a gosa di nan hitnan i dimes di nan tremendo bos. Un públiko grandi a akudí na Renaissance. E anochi a kuminsá ku presentashon di e tremendo dama ku tin mas ku 60 aña den farándula di Kòrsou ku ta sra. Mafalda Minguel, kompaña pa e orkesta dirigí pa Arnell Salsbach.
Despues a sigui Shirma Rose ku tampoko no ta un deskonosí riba e tereno di jazz. Shirma a trese un tremendo ambiente ku su estilo úniko di interpretá su músika i entretené su públiko. Na final nos por a gosa di nos Izaline Calister ku su banda a bin deleitá e públiko ku su kansion nan di su último cd pero tambe ku tur su hitnan, manera un “Reina di Pordon”.
E públiko sigur tabata tin un tremendo anochi ku a kana hopi bon. Pabien na e organisashon di e evento aki i sigur pueblo di Kòrsou ta spera pa mas. Riba e foto nan algun di e momento nan ku nos Caribbean Queens a presentá na Renaissance Ocean Front Park.

Advertisements
%d bloggers like this: