‘AVP TA DEPRIVA NOS GRANDINAN SITIO DI VACACION SOCIAL Y HUBENTUD UN ‘OPVANG’ CU HUISWERKBEGELEIDING!

BENNY NISBET(PPA):
‘AVP TA DEPRIVA NOS GRANDINAN SITIO DI VACACION SOCIAL Y HUBENTUD UN ‘OPVANG’ CU HUISWERKBEGELEIDING!
Pa esnan cu nos sa of no ta corda …e crisis rond di Bushiri Hotel ta un crisis di e ultimo 20 anja !! El a inicia bao di AVP gabinete Henny Eman cu no tabata por a hanja un soluccion adecuado. Siguidamente el a pasa pa ocho(8) tambe bao di gab Oduber unda tampoco no a logra un soluccion adecuado. Y pa e ultimo ocho(8) anja partido AVP a bolbe hanja e oportunidad y atrobe NO a logra un soluccion.
E projecto di Bushiri Hotel y su scol di Hospitalidad tabata un vision cu a inicia bao di partido PPA cu a inicia cu e projecto aki !! Y manera cu ta conoci pa esnan cu a biba y experiencia e tempo di tanto gobernacion Insular como gobernacion Central un projecto cu ta worde financia pa Mercado Comun Europeo tabata dura entre ocho(8) pa diez(10) anja den nan proceso. Y como tal el a habri porta ora cu MEP tabata na mando na 1982. E contribuiccion di e Hotelvakschool Bushiri na Industria di Turismo tabata hopi grandi y a worde affecta grandemente cu inicio di e.o. nos sistema di EPI cu tambe a bin cu un opleiding riba e tereno aki. Pero tambe pa otro motibo manera fayo den e parti di administracion di e compania cu tabata exploita e projecto aki.
Entodo caso despues cu e crisis a bati na porta a pasa 20 anja y dos gobierno di AVP y un gobierno di MEP NO por a solucciona e crisis aki.
FUTURO DI ‘BUSHIRI HOTEL’?
Hecho ta cu locual ta para eynan y conoci como Bushiri Hotel tin un valor di bastant miljon florin como cu e edificio mes ta grandemente ‘basha’ y simpelmente door di cambia su ‘asbest y palo’ por worde cambia den un projecto di otro mundo cu lo por sirbi nos sociedad di Aruba. Pero realidad di bida ta cu AVP a perde rumbo cu no tin otro alternativa y no ta desea di larga e edificio aki pa otro gobierno of partido mustra cu nan Si lo por drechele.
PPA ultimo anja a accentua cu nos tin varios alternativa pa e sitio aki !!
1. Un parti lo por a bira un SITIO SOCIAL DI VACACION PA NOS GRANDINAN! Cual pa PPA ta significa un sitio unda nos grandinan cu ta keda na e casnan di nos grandinan pero tambe esnan cu ta keda na cas y NO tin e finanzas pa bai cu vacacion lo por a bin na remarca pa un ‘vacacion social’ na e sitio di Bushiri aki !!
2. Tambe PPA tabatatin como alternativa cu un parti lo por a worde dedica na un fundacion cu por a sirbi como un ‘centro di opvang’ pa alumno/studiante cu despues di scol No tin famia na nan hogar pa motibo cu nan majornan ta traha. Pa e grupo aki e sitio aki lo por a nifica un sitio pa nan worde hiba y duna e.o. ‘huiswerkbegeleiding’ te ora cu nan majornan kaba di traha y busca nan na e sitio aki !! Esaki lo tabata un maneho pa frena desaroyo negative di hoben cu ta subi caya y ta cay den man di esnan cu ta biba di maldad….
Lastima e gobernacion di AVP NO ta desea pa larga e edificio aki pa un gobernacion di PPA e.o. mustra cu realmente por otro anto positivamente.
UN FUTURO BEACH PA PUBLICO ??
PPA ta desea di invita kada lesador di e articulo aki pa pensa bon mientras cu ta sigui lesa nos articulo. Si TUR beach na Aruba ta publico …E ponencia aki no ta duna pueblo e impression cu gobierno ta manera kier crea un beach pa publica pa tene pueblo for di e beachnan unda turista principalmente ta move. AInda mi ta corda con Parlamento den pasado pa medio di mocion den parlamento a pasa decision cu Eagle Beach y despues di anjas tambe Arashi beach ta destina pa nos pueblo primeramente…cu tempo e beachnan aki tambe a cai den man di nos bishitantenan. Y esaki ta logico nos bishitante tin vez ta desea di bai unda nos localnan ta !!
Awo pueblo patras di Bushiri Beach cu ta worde basha abao NO tin beach …….ta baranca tin !! Unda si tin beach ta riba e tereno pabao di Bushiri entre Bushiri y e hotelnan ‘low rise’. Un pida beach cu ja ta worde usa pa pueblo y pa nos bishitantenan kaba. Si gobierno kier a drecha e infrastructura aki …esaki tabata posibel tur tempo kaba…Pero gobierno visiblemente NO a scoge pa esaki. Pero awor cu kier duna pueblo un argumento pakiko awor ta papia di beach destina pa pueblo…esta tuma pueblo hasi.
Realidad ta cu gobierno tin otro ‘agenda’ !! Parcialmente stroba desaroyo bao di un otro gobernacion cu visiblemente ta na horizonte.
PPA ta acusa partido AVP di hasi abuso contra nos pueblo, contra nos grandinan y contra nos muchanan cu e paso pa basha un edificio cu ainda tin un valor di contruccion di un 15 million florin manera cu e ta para eynan abao. Abuso formal !!
PPA lo busca otro sitio pa ofrece nos grandinan y nos muchanan un ‘opvang’ pa e metanan social cu nos tabatatin nos dilanti !!

Aruba, 27 di augustus 2017 Secretario General di PPA
BENNY NISBET

%d bloggers like this: